Rasijski miljarder źbieh z Rasii praź Biełaruś, źniaŭšy vialikuju sumu hrošaj
Rasijski IT-inviestar i zasnavalnik fondu Almaz Capital Alaksandr Halicki vyjechaŭ z Rasii, niahledziačy na abmiežavańni, uviedzienyja ŭ miežach spravy ab pryznańni jaho i fondu «ekstremisckim abjadnańniem».
Pavodle infarmacyi rasijskaj prakuratury, Halicki pakinuŭ krainu praź Biełaruś, skarystaŭšysia niderłandskim pašpartam, a pierad hetym źniaŭ miljardy rasijskich rubloŭ sa svajho rachunku ŭ Hazprambanku.
Sud u Maskvie pryznaŭ Halickaha i jaho kampaniju ekstremisckim abjadnańniem i pastanaviŭ pieradać jaho majomaść dziaržavie. Ahulnaja suma aktyvaŭ, jakija padlahajuć kanfiskacyi, składaje kala 8 miljardaŭ rasijskich rubloŭ (kala 112 miljonaŭ dalaraŭ). U hety śpis uvachodziać hrošy na rachunkach, nieruchomaść u Maskvie i padmaskoŭny dom. Sam biznesmien nie pahadžajecca z abvinavačańniami.
Pavodle viersii prakuratury, paśla 2014 hoda fond spyniŭ inviestycyi ŭ rasijskija prajekty i pačaŭ vyvodzić srodki za miažu, a paśla 2022 hoda nibyta padtrymlivaŭ ukrainskija kampanii, źviazanyja z raspracoŭkaj uzbrajeńnia. Abarona biznesmiena śćviardžaje, što Halicki daŭno nie maje dačynieńnia da fondu i ŭkładvaŭ hrošy tolki ŭ mirnyja prajekty.
Halicki ličycca adnym ź viadomych vienčurnych inviestaraŭ u technałahičnaj śfiery. Jahony fond za mnohija hady ŭkłaŭ sotni miljonaŭ dalaraŭ u dziasiatki startapaŭ u roznych IT-napramkach.
Častka jaho aktyvaŭ užo pierachodzić pad kantrol dziaržavy, u tym liku praź pieradaču dolaŭ u kampanijach dziaržaŭnaj karparacyi.
U lutym hetaha hoda stała viadoma, što ŭ izalatary časovaha ŭtrymańnia padmaskoŭnaha horada Istra skončyła žyćcio samahubstvam 46‑hadovaja Alija Halickaja — byłaja žonka Alaksandra Halickaha. Trahiedyja zdaryłasia praz sutki paśla taho, jak sud aryštavaŭ jaje pavodle abvinavačańnia ŭ vymahalnictvie kałasalnaj sumy ŭ byłoha muža.
Žonka rasijskaha miljardera ździejśniła samahubstva ŭ IČU. U śmierci jana abvinavaciła muža
Pad Sankt-Pieciarburham na matacykle raźbiŭsia rasijski miljarder
Za apošnija piać hadoŭ kolkaść multymiljanieraŭ u śviecie pavialičyłasia bolš čym u čatyry razy
Samy bahaty ŭkrainiec kupiŭ kvateru ŭ Manaka za $550 miljonaŭ. Heta rekordnaja ździełka ŭ historyi
Starejšaha syna zasnavalnika suśvietna viadomaha brenda Mango zatrymali pa padazreńni ŭ zabojstvie baćki-miljardera
Kamientary