"Ja prylacieŭ u Ńju-Jork jak premjer-ministar, a źjaždžaju jak biespracoŭny", - zajaviŭ jon na Hienasamblei AAN.
Zrynuty z pasady spraŭnik premjer-ministra Tajlandu Taksin Čynavat u sieradu zajaviŭ, što nie čakaŭ vajskovaha pieravarotu.
«Ja nie čakaŭ, što takoje adbudziecca. Ja prylacieŭ siudy (u Ńju-Jork na Hieneralnuju asambleju AAN) jak premjer-ministar, a źjaždžaju jak biespracoŭny», – zajaviŭ Čynavat žurnalistam, adjaždžajučy ź Ńju-Jorku, paviedamlaje tajlandzkaja hazeta The Nation.
«Dobra, što nichto mnie nie daje raboty. Ja hatovy pracavać, ale jany (arhanizatary pieravarotu) jaje mnie nie dajuć, i heta dobra», – cytuje hazeta słovy zrynutaha premjera.
Čynavat hetaksama zajaviŭ, što padtrymlivaje poviazi sa svajakami, i spadziajecca, što moža pravieści pieramovy z vajskoŭcami, što zrabili pieravarot.
Źviestki pra miesca, dzie zaraz znachodzicca Taksin Čynavat, supiarečać adnyja druhim. Pavodle adnych, jon užo prybyŭ u Londan, pavodle druhich – tolki oto manicca lacieć u brytanskuju stalicu ź Ńju-Jorku.
Vajskovy pieravarot u Tajlandzie nadaryŭsia ŭ aŭtorak. Arhanizatary abviaścili, što spraŭnik kiraŭnika ŭradu Taksin Čynavat zvolnieny z pasady, a abaviazki premjera časova ŭskłali na hienerała Sonci Buńjeratklina. Hienerał Sontchi — pieršy musulmanin, jaki zamaje taki vysoki post u armii Tajlandu. Musulmanie składajuć mienšaść u hetaj krainie.
Meta pieravarotu – zachavańnie demakratyi i pieradača ŭłady cyvilnamu ŭradu z nastupnym sklikańniem vybaraŭ», – kažuć u svajoj zajavie, raspaŭsiudžanaj miascovymi ŚMI, arhanizatary pieravarotu.
Vajskoŭcy, jakija nazvalisia Hrupaj dziela administracyjnych reformaŭ, zapeŭnili, što addana słužać manarchu. Apazycyja vinavacić Taksina Čynavata ŭ tym, što na pasadzie kiraŭnika ŭradu toj spryjaŭ abahačeńniu svaich siamiejnikaŭ.
Uviečary ŭ sieradu hienerała Sontchi Buńjeratklina karol Tajlandu pryznačyŭ kiraŭnikom Nacyjanalnaj Rady pa administracyjnaj reformie.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary