Navukoŭcy znajšli ŭ Izraili reštki samaha staražytnaha ź viadomych zastollaŭ. Kali znachodka daśledčykaŭ sapraŭdy apyniecca śladami biasiedy,
paćvierdzicca hipoteza pra toje, što tradycyja adznačać važnyja padziei razam źjaviłasia na 2,5 tysiačy hadoŭ raniej, čym było pryniata dumać.Uzrost reštkaŭ ježy składaje 12 tysiač hadoŭ. Artykuł navukoŭcaŭ z apisańniem znachodki apublikavanaja ŭ časopisie Proceedings of the National Academy of Sciences.
Daśledčyki pracavali ŭ nievialikaj piačory
Dva hady tamu daśledčyki znajšli ŭ piačory pachavańnie žančyny viekam kala 45 hadoŭ. Z bahaćcia ŭ mahile rytualnych pradmietaŭ navukoŭcy zrabili vysnovu, što jana, mahčyma, była šamankaj. U svajoj novaj pracy śpiecyjalisty bolš padrabiazna apisali źmieściva mahiły i pryjšli da vysnovy, što znojdzienyja tam šmatlikija kości žyvioł zastalisia ad maštabnaha zastolla. Na karyść takoha vyvadu śviedčać takija fakty, jak ślady raźbirańnia na mnohich kaściach, a taksama najaŭnaść u mahile abharełych kaściej (heta značyć, kaściej paśla abžarvańnia). Akramia taho, usie pancyry čarapach (usiaho ich było 71), znojdzienyja ŭ mahile, byli razłamanyja takim čynam, kab maksimalna spraścić dostup da miasa žyvioł.
Jak miarkujuć navukoŭcy, usie hetyja dadzienyja pakazvajuć, što žyvioły byli źjedzienyja ludźmi padčas biasiedy, jakaja, imavierna, supravadžała pachavańnie, a nie pakładzienyja ŭ mahiły padčas rytualnych cyrymonij. Z takim mierkavańniem zhodnyja nie ŭsie kalehi aŭtaraŭ pracy —
krytyki miarkujuć, što ŭ im nie chapaje dokazaŭ taho, što zastolle sapraŭdy było prymierkavanaje da pachavańnia (heta značyć, mieła simvaličny sens, charakterny dla sučasnych śviataŭ), a nie było zvyčajnaj ahulnaj biasiedaj.
Ciapier čytajuć
Staŭ viadomy prysud eks-pamočniku Łukašenki Iharu Bryło1
Kamientary