«Hulnia suprać rumynaŭ budzie bolš składanaj, čym z francuzami», — zajaviŭ hałoŭny trenier biełaruskaj zbornaj.
«Hulnia suprać rumynaŭ budzie bolš składanaj, čym z francuzami, bo ŭsie čakajuć našaj pieramohi», —zajaviŭ hałoŭny trenier biełaruskaj futbolnaj zbornaj Biernd Štanhie 6 vieraśnia ŭ Minsku na
«U Francyi my kontratakavali, šmat abaranialisia, ale hetaha niedastatkova, kali my chočam vyjhrać», — skazaŭ Štanhie. Jon vykazaŭ nadzieju, što 7 vieraśnia na minskim stadyjonie «Dynama» budzie anšłah. «Kali my dzieści zhulajem słabiej, nam dapamohuć balelščyki. Na stadyjonie patrebna fanatyčnaja atmaśfiera», — skazaŭ trenier.
Štanhie padkreśliŭ, što zbornaja, jakaja imkniecca prajści kvalifikacyju, pavinna vyjhravać u hrupie ŭsie matčy ŭ Ałbanii i Luksiemburha, a taksama ŭsie damašnija matčy z astatnimi sapiernikami.
«Pieramoha ŭ Francyi — heta padarunak losu, tamu doma my niešta pavinny pakazać», — adznačyŭ niamiecki śpiecyjalist.
Pavodle jaho słoŭ, ciapier važna jak maha chutčej zabyć pra hety pośpiech, «adnak tut dla hetaha treba krychu bolš času, bo haziety sa spravazdačami vyjduć tolki praz čatyry dni — u dzień druhoha matču».
Štanhie paviedamiŭ, što da matču z rumynami rychtujecca 21 futbalist, traŭm niama. Sapiernik, pavodle jaho słoŭ, vyvučany ŭ dastatkovaj stupieni. «My absalutna hatovyja», — zajaviŭ trenier. Jon nie staŭ adkazvać na pytańnie, što ŭjaŭlaje saboju ciapierašniaja zbornaja Rumynii, adznačyŭšy tolki, što za apošnija hady jana prykmietna abnaviłasia, a piatničnaja ničyja ŭ Buchareście suprać Ałbanii jaho ździviła.
Pavodle infarmacyi Štanhie, jon nie źbirajecca ŭnosić značnyja źmieny ŭ skład u paraŭnańni z hulnioj u Francyi. Pry hetym jon padkreśliŭ, što na kožnuju pazicyju jość dva, a to i try hulcy. «Kali havorka idzie pra vynik, nie tak važna, chto hulaje», — ličyć Štanhie.
Kamientary