Aman — Biełaruś — 0:4

Dla listapadaŭskaj tavaryskaj hulni zbornaj Biełarusi pa futbole miesca było vybranaje dosyć śpiecyfičnaje — Aman. Heta moža tłumačycca chiba tolki tym, što naš trenier niemiec Biernd Štanhie niekali treniravaŭ hetuju zbornuju, ale biespaśpiachova.

Kažuć, što byŭ varyjant pryniać u Minsku Uruhvaj, ale ŭ apošni momant prahareŭ. Nu to daroha na Aravijski paŭvostraŭ. Darečy, u hetym rehijonie hulać biełarusam užo davodziłasia: dvojčy z Abjadnanymi Arabskimi Emiratami (pieramoha i projhryš) i adnojčy — z Saudaŭskaj Aravijaj (ničyja).

U stalicy Amana Maskacie zaraz «prachałoda» — usiaho tolki kala 30 hradusaŭ ciapła. Dy i mora pobač. Sapraŭdny raj dla futbalistaŭ.

Pierad hulnioj naša kamanda nie daličyłasia ceły šerah lidaraŭ. Traŭmavanyja Kutuzaŭ, Žaŭnoŭ, Puciła. Trenier niezadavoleny stanam hulni Alaksandra Hleba i Karnilenki. Zatoje niečakana ŭ zajaŭku trapiŭ małady Palakoŭ z «Šachciora».

Płanavałasia, što matč pačniecca a pałovu na piatuju pa biełaruskim časie. ANT navat zapłanavaŭ pakaz. Ale potym pačatak pieranieśli na dźvie hadziny napierad. Nu a tranślacyju pa TB nikudy pieranosić nie zachacieli. Hladzicie, biełarusy, u zapisu.

Užo ŭ samym pačatku matča stała jasna, što ŭjaŭlaje naš supiernik. Na dziesiataj chvilinie hulni haspadary bieznadziejna hareli — 0:2. Pryčym, hały zabiŭ nie jaki‑niebudź naš supierforvard (chacia ci jość takija?), a centralny abaronca Alaksandr Martynovič.

Hulec z soniečnaha «Krasnadara» raniej za zbornuju nie zabiŭ uvohule, a tut adznačyŭsia cełym dublem. Pryčym, abodva razy da ŭziaćcia varot pryvodzili standarty — štrafny i vuhłavy.

U druhoj pałovie tajma pieršaha na bliskučy pas Cimocha Kałačova adhuknuŭsia Viačasłaŭ Hleb — 0:3. Hulniu možna ličyć było zroblenaj.

Druhi tajm byŭ adznačany mnostvam zamienam. Źjaviŭsia na poli i toj samy debiutant Palakoŭ.

Voś tak zbornaja Biełarusi sapsavała nastroj amanskim amataram futbołu pierad zaŭtrašnim jubilejem sułtana Kabusa.

Naŭrad ci była vialikaja metazhodnaść takoha vyjezdu. Chiba što nabrali niekalki lišnich punktaŭ dla rejtynhu. Lepš by supiernika było znajści ŭ Jeŭropie.

Nastupnuju hulniu zbornaja, najchutčej, praviadzie ŭ lutym. Apanient jašče nie vyznačany. Nie vyklučana, što heta budzie Rasija. Nu a potym 26 sakavika čarhovy matč adboračnaha turniru da Jeŭra‑2012 z Ałbanijaj.

• 0
• 0
• 0
• 0
• 0
• 0
• 0
• 0