Milicyja «hatova zabiaśpiečyć pravaparadak» 24 listapada padčas mitynhu apazicyi
Pad vybary milicyja budzie pieraviedziena na ŭzmocnieny varyjant niasieńnia słužby.
U śniežni orhany ŭnutranych spraŭ Biełarusi ŭ suviazi z kampanijaj pa vybarach prezidenta buduć pieraviedzienyja na ŭzmocnieny varyjant niasieńnia słužby.
Pra heta 18 listapada žurnalistam paviedamiŭ namieśnik ministra ŭnutranych spraŭ Jaŭhien Połudzień.
Pavodle jaho słoŭ, kankretnyja terminy buduć zaležać ad situacyi ŭ krainie, ad apieratyŭnaj abstanoŭki. Pakul, adznačyŭ namieśnik ministra, «surjoznych parušeńniaŭ pravaparadku ŭ chodzie vybarčaj kampanii nie było». U MUS ličać, što ŭsio bolšaja kolkaść biełaruskich hramadzian stanoviacca zakonapasłuchmianymi.
Pry hetym Połudzień adznačyŭ adnu asablivaść sioletniaj vybarčaj kampanii.
Niekatoryja hramadzianie, jakija majuć dačynieńnie da zboru podpisaŭ, paśla ŭžyvańnia śpirtnoha i svarki vyklikali milicyju i zasiakali čas, praź jaki supracoŭniki milicyi pryjazdžali na miesca zdareńnia.Tym samym, jak skazaŭ Połudzień, jany praviarali, ci vykonvaje milicyja ŭstanoŭlenyja narmatyvy reahavańnia na zvaroty hramadzian.
Adkazvajučy na pytańnie ab libieralnym staŭleńni orhanaŭ unutranych spraŭ da niesankcyjanavanych akcyj, jakija prachodziać u pieryjad sioletniaj vybarčaj kampanii, namieśnik kiraŭnika MUS adznačyŭ, što milicyja zabiaśpiečvaje naležny paradak, zychodziačy z patrabavańniaŭ zakanadaŭstva. Supracoŭnikam pastaŭlena zadača nie paddavacca na pravakacyi. U bolšaści vypadkaŭ chapaje tłumačalnaj i papieradžalnaj pracy, skazaŭ Połudzień.
Namieśnik ministra zajaviŭ, što milicyja hatova zabiaśpiečyć pravaparadak 24 listapada padčas anansavanaj u Minsku apazicyjaj bujnoj akcyi i budzie dziejničać stroha ŭ adpaviednaści z zakanadaŭstvam.
Jaŭhien Połudzień jašče raz padkreśliŭ, što nasielnictva Biełarusi «ŭ bolšaści svajoj zakonapasłuchmianaje» i viedaje nie tolki pravy i abaviazki milicyi, ale i svaje abaviazki, jakija i vykonvaje.
Ciapier čytajuć
Siarhiej Cichanoŭski pierabraŭsia žyć u Łos-Andželes54
Kamientary