20 listapada baranavickija siabry Ruchu “Za svabodu” razam z pradstaŭnikami partyi BNF “Adradžeńnie”, BSDH, TBM ŭstalavali pamiatny znak u honar 350-ci hodździa znakamitaj Pałonkaŭskaj bitvy (1660).
16 hadoŭ tamu tutaka byli ŭpieršyniu ŭstalavany kamień-vałun i draŭlanaja šylda, jakaja nieŭzabavie była złamana nieviadomymi mankurtami. Hramadskaść nieadnarazova padymała pytańnie adnaŭleńnia mietaličnaj šyldy na kamieni-vałunie, asabliva napiaredadni 350-ch uhodkaŭ Pałonkaŭskaj bitvy, jakija adznačalisia ŭ 2010 hodzie. Baranavicki rajvykankam, kudy źviartalisia pradstaŭniki hramadskaści, nie znajšoŭ na heta srodkaŭ.
Tamu miascovyja hramadskija aktyvisty na praciahu hoda samastojna arhanizavali zbor hrašovych srodkaŭ i ŭłasnymi namahańniami zrabili na marmurovym kamiani mietaličnuju šyldu ŭ honar 350-ci hodździa znakamitaj Pałonkaŭskaj bitvy. Ustalavańnie pamiatnaha znaku supravadžałasia i na hety raz svaimi dzivosami i zdareńniami. Spačatku prybiehła ciapierašniaja staršynia Pałonkaŭskaha s/s Nina Kisiel, jakaja padniała strašenny lamant i vyklikała milicyju, bo ŭstalavańnie pamiatnaha znaku, na jaje dumku, arhanizavana biez dazvołu miascovaj ułady. Staršynia Baranavickaj Rady TBM Viktar Syryca i krajaznaŭca Michaś Biernat patłumačyli majoru Viačasłavu Taŭkačovu, što jany dasłali jašče raniej źmiest šyldy ŭ Pałonkaŭski sielski saviet, što heta nie ŭstalavańnie novaha znaku, a adnaŭleńnie staroj šyldy, dazvoł na jakuju dała miascovaja ŭłada jašče ŭ 1994 hodzie. Milicyja pavodziła siabie vielmi spakojna, biez hvałtu i zatrymańniaŭ, karektna i ŭzvažana vysłuchała abodva baki. Urešcie rešt, adnoŭleny pamiatny znak zastaŭsia na hieraičnym Pałonkaŭskim poli. I pryjemna toje, što baranavickija hramadskija aktyvisty i Pałonkaŭski s\s damovilisia ab sumiesnaj pracy pa dobraŭparadkavańniu miesca Pałonkaŭskaj bitvy 1660 hoda.
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać29
Kamientary