Mahiloŭski fiermier padmanuŭ adnaviaskoŭcaŭ amal na 150 młn rubloŭ
Sprava za machlarstva ŭ asabliva bujnym pamiery (č. 4 art. 209 KK) raspačata ŭ Centralnym RUUS Minska ŭ dačynieńni da40-hadovaha fiermiera z Mahiloŭskaha rajona.
Jak paviedamili ŭ rajonnym upraŭleńni ŭnutranych spraŭ, kab atrymać jak maha bolšy kredyt na pašyreńnie haspadarki, jon pryciahnuŭ da hetaha adnaviaskoŭcaŭ, paabiacaŭšy asabista pahašać kredyty, jakija jany voźmuć dla jaho ŭ adnym ź minskich bankaŭ na svajo imia. Pry hetym sielski biźniesmien padrychtavaŭ čystyja błanki daviedak ab zarabotnaj płacie z hatovymi piačatkami.
Pieršym, chto dapamoh fiermieru, staŭ jaho znajomy traktaryst. Jon atrymaŭ dastatkova vialiki kredyt, pakolki ŭ zdadzienaj u bank daviedcy ab zarpłacie značyłasia suma ŭ 3 miljony rubloŭ. Pa anałahičnaj schiemie atrymali kredyty jašče dvoje viaskoŭcaŭ.
U vyniku ahulnaja suma kredytu dla fiermiera skłała 147 miljonaŭ rubloŭ.
Z zajavaj u milicyju kredytaatrymalniki źviarnulisia tady, kali z banka im stali pastupać piśmovyja paviedamleńni ab nieabchodnaści pahašeńnia zapazyčanaści pa kredytach i pracentach pa ich. Milicyja vyśvietliła, što častku atrymanych hrošaj fiermier sapraŭdy nakiravaŭ na raźvićcio haspadarki, ale prybytku nie atrymaŭ, a častka — razyšłasia, jak skazali ŭ Centralnym RUUS.
Miera strymańnia ŭ dačynieńni da padazronaha nie abirałasia.
Kamientary