MUS: U mikraaŭtobusach Niaklajeva byli pietardy, bienzin, zavostranyja kały
Havorka idzie pra sutyknieńnie ź milicyjaj kałony demanstrantaŭ na čale z Uładzimiram Niaklajevym.
U dvuch mikraaŭtobusach na Niamizie, nadhladu jakich, jak raniej paviedamlaŭ MUS, viečaram 19 śniežnia pieraškadžaŭ natoŭp ahresiŭna nastrojenych ludziej, znojdzieny vialiki nabor niebiaśpiečnych pradmietaŭ.
Jak paviedamili BiełaPAN va ŭpraŭleńni infarmacyi i hramadskich suviaziaŭ MUS, u transpartnych srodkach znojdzienyja i kanfiskavanyja pietardy, bienzin, hazavyja bałončyki, dymavyja šaški, procivahazy, mietaličnyja pruty i ražki, a taksama zavostranyja kały i śviatłohukavyja hranaty.
Nahadajem, havorka idzie pra sutyknieńnie ź milicyjaj kałony demanstrantaŭ na čale z Uładzimiram Niaklajevym, choć takuju padrabiaznaść MUS nie paviedamlaje. Pavodle viersii milicejskaha viedamstva, dva aŭtobusy, atočanyja ščylnym kołam hramadzian, mnohija ź ich byli ŭ stanie ałkaholnaha ap`ianieńnia, ruchalisia ŭ bok Kastryčnickaj płoščy.
«Pavodle apieratyŭnaj infarmacyi, u transpartnych srodkach mahli znachodzicca vybuchovyja prystasavańni. Dla praviadzieńnia nadhladu hetych aŭtobusaŭ ruch kałony supracoŭnikami milicyi byŭ spynieny. Apošnija pry sabie nie mieli nijakich śpiecsrodkaŭ i zbroi. Na zakonnyja patrabavańni pravaachoŭnikaŭ natoŭp pieravažna maładych ludziej adreahavaŭ ahresiŭna. Jany pajšli na supracoŭnikaŭ milicyi, užyŭšy ŭsie srodki, jakija mieli: pałki, kamiani, vudy, što vykarystoŭvalisia jak dreŭka dla ściahoŭ. U adkaz na heta supracoŭniki milicyi byli vymušanyja adcisnuć pravaparušalnikaŭ. U vyniku niekalki abaroncaŭ pravaparadku atrymali traŭmy roznaj stupieni ciažkaści. Jany špitalizavanyja», — havaryłasia ŭ paviedamleńni UIHS MUS.
Pra toje, što ludzi byli atakavanyja milicyjaj z užyvańniem śpiecsrodkaŭ, i pra toje, što ŭ vyniku sutyknieńnia byŭ paranieny Niaklajeŭ, ničoha nie paviedamlajecca.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami14
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary