Kiraŭnictva Abjadnanaj hramadzianskaj partyjaj uziaŭ na siabie hanarovy staršynia AHP Stanisłaŭ Bahdankievič. Ab hetym havorycca ŭ zajavie palityka, apublikavanaj na sajcie AHP.
«Mirnaja demanstracyja biełaruskich hramadzian pad kiraŭnictvam dzieviaci apazicyjnych kandydataŭ u prezidenty suprać falsifikacyi vybaraŭ była žorstka razahnanaja z nastupnym aryštam jak kandydataŭ u prezidenty, tak i ich prychilnikaŭ, — havorycca ŭ zajavie. — Siarod aryštavanych — staršynia Abjadnanaj hramadzianskaj partyi Anatol Labiedźka, a taksama šerah inšych členaŭ vyšejšaha kiraŭnictva partyi i aktyvistaŭ, u tym liku staršynia Minskaj haradskoj arhanizacyi AHP Anatol Paŭłaŭ i jaho namieśnik Aleh Korban».
«Va ŭmovach, kali partyja faktyčna abiezhałoŭlenaja, zychodziačy z adkaznaści za partyju, za zachavańnie jaje adzinstva i nieabchodnaści nieadkładnaj arhanizacyi baraćby za vyzvaleńnie našych represavanych tavaryšaŭ, časova, pa ŭzhadnieńni z Palitsavietam AHP, prymaju na siabie kiraŭnictva Abjadnanaj hramadzianskaj partyjaj», — zajaŭlaje Stanisłaŭ Bahdankievič.
Nahadajem, Anatol Labiedźka, davieranaja asoba kandydata ŭ prezidenty Jarasłava Ramančuka, byŭ zatrymany ŭ noč z 19 na 20 śniežnia ŭ Minsku. Jon znachodzicca ŭ SIZA KDB.
Palityku pradjaŭleny abvinavačańni pa častkach 1 i 2 artykuła 293 KK (masavyja biesparadki). Sprava raspačata śledčym upraŭleńniem papiaredniaha rasśledavańnia HUUS Minharvykankama.
Zhodna z častkaj 1 hetaha artykuła, «arhanizacyja masavych biesparadkaŭ, jakija supravadžalisia nasillem nad asobaj, pahromami, padpałami, źniščeńniem majomaści, uzbrojenym supraciŭleńniem pradstaŭnikam ułady», karajecca pazbaŭleńniem voli na termin ad 5 da 15 hadoŭ.
Zhodna z častkaj 2, «udzieł u masavych biesparadkach, što vyraziłasia ŭ niepasrednym učynieńni dziejańniaŭ, nazvanych u častcy pieršaj hetaha artykuła», karajecca pazbaŭleńniem voli na termin ad 3 da 8 hadoŭ.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ10
Kamientary