Aŭtavakzał budzie nahadvać ciahnik, jaki spyniŭsia.
Aŭtavakzał «Centralny» u Minsku paśla rekanstrukcyi płanujecca zdać u ekspłuatacyju ŭ kancy lutaha 2011 hoda,
paviedamiŭ dyrektar filijała «Minski aŭtavakzał» KTUP «Minsktrans» Alaksandr Buśluk.
«Pieršuju čarhu vakzalnaha kompleksu — niepasredna aŭtavakzał — płanujecca zdać u ekspłuatacyju ŭ kancy lutaha. Pryjomka abjekta praciahniecca nie mienš za miesiac.
Tamu aŭtavakzał adnović rehularnyja rejsy nie raniej za 1 krasavika»,
— rastłumačyŭ Alaksandr Buśluk.
Maštabnyja pieraŭtvareńni najstarejšaha aŭtavakzała ŭ Minsku pačalisia ŭ žniŭni 2007 hoda. Budaŭniki pracavali ŭ składanych umovach — na hetym učastku pieranasyčanaść sietak.
Abnoŭleny aŭtavakzał budzie nahadvać ciahnik, jaki spyniŭsia. Na piaci uzroŭniach vakzalnaha kompleksu buduć znachodzicca vialikaja pačakalnia, pakoj maci i dziciaci, kamiery zachoŭvańnia, kafe i restarany. Aŭtavakzał budzie mieć 16 pasadačnych płatformaŭ i 10 biletnych kasaŭ. Značnuju častku pryvakzalnaj terytoryi zojmie šmatuzroŭnievy parkinh na 500
Paśla rekanstrukcyi «Centralnamu» prysvojać status aŭtavakzała mižnarodnaha kłasa (zaraz taki status jość tolki ŭ adnaho aŭtavakzała stalicy — «Maskoŭskaha»). Płanujecca, što aŭtavakzał budzie vykonvać kala 40 mižnarodnych maršrutaŭ.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?73
Kamientary