Roŭna 86 hadoŭ tamu pačałasia zbrojnaja baraćba žycharoŭ Słuččyny z balšavikami.
Roŭna 86 hadoŭ tamu, u 1920 h. pačałasia zbrojnaja baraćba žycharoŭ Słuččyny z balšavikami. 14-15 listapada ŭ vialikaj zali doma Edvarda Vajniłoviča prajšoŭ źjezd Słuččyny, u jakim uziali ŭdzieł 117 čałaviek z 15 vałaściej. Staršyniom byŭ abrany eser Vasil Rusak, a vice-staršyniom Uładzimir Prakulevič.
Delehaty pryniali rezalucyju, u jakoj vitali Najvyšejšuju radu BNR, i zajavili kateharyčny pratest suprać savieckaj ułady na Biełarusi jak «čužackaj». Asnoŭnym źmiestam rezalucyi było rašeńnie padniać paŭstańnie «suprać akupacyi» za «niezaležnuju Biełaruś».
Rada sfarmavała bryhadu, što składałasia z dvuch pałkoŭ: 1-ha Słuckaha i 2-ha Hrozaŭskaha. Pieršy połk farmavaŭsia ŭ Słucku, druhi – u miastečku Hrozava. Bajavyja dziejańni z balšavikami i pačalisia 27 listapada. Słuckaja bryhada zrabiła niekalki paśpiachovych atakaŭ la Kapyla, Cimkavičaŭ i Vyzna. Supraciŭ balšavickim vojskam akazvali i zvyčajnyja sialanie. Razharełasia sapraŭdnaja partyzanskaja vajna. Adnak siły byli vidavočna niaroŭnymi. 31 śniežnia słuččaki byli vymušanyja pierajści polskuju miažu, dzie byli razzbrojenyja.
Vasil Bykaŭ byŭ pryśviaciŭ trahičnym słuckim padziejam apaviadańnie «Na Čornych Ladach». Sioleta pabačyła śviet druhoje vydańnie knihi «Słucki zbrojny čyn 1920 h. u dakumentach i ŭspaminach», jakuju try hady tamu padrychtavali Ŭładzimier Lachoŭski, Uładzimier Michniuk i Alaksandra Hieś.
Na emihracyi 27 listapada ŭvachodziła ŭ śpis troch najhałoŭnych hramadzkich śviataŭ, što śviatkavali biełaruskaja dyjaspara.
U siońniašniaj Biełarusi 27 listapada ŭšanoŭvajecca niezaležnym hramadztvam, jak Dzień hierojaŭ u pamiać paŭstancaŭ-słučakoŭ.
Sioleta napiaredadni 26 listapada ŭ Słucku la budynku, dzie była abvieščana Słuckaja rada, adbyŭsia memaryjalny mitynh, arhanizavany siabrami KCHP-BNF. Ź Miensku aŭtobusami pryjechała bahata moładzi.
-
Polskaja daślednica biełaruskaj identyčnaści maryć pra pomnik «kułaku» ŭ Minsku i čakaje, kali Biełaruś znoŭ adkryjecca śvietu
-
Biełarus, jaki adsiadzieŭ u Tambovie, zavis miž niebam i ziamloj — Rasija choča departavać, a Biełaruś pytajecca: chto heta?
-
Mama studentki-vydatnicy raskazała pra vydatki na vypuskny
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud33
Kamientary