Jeŭrapiejski dypłamat: Šancy Biełarusi na atrymańnie kredytu MVF pry niaźmiennaści palityčnych abstavin roŭnyja nulu
Pavodle acenak dypłamata, nie vyklučana raźvićcio ekanamičnaha kryzisu pa śpirali.
U Jeŭrasajuzie skieptyčna hladziać na zapyt Biełarusi srodkaŭ u Mižnarodnaha valutnaha fondu. «ZŠA i ES majuć vyrašalny hołas pry vyznačeńni taho, ci budzie vydzieleny zaprošany kredyt», — nahadaŭ dypłamat adnoj z krain Jeŭrasajuza, ź jakim razmaŭlaŭ reparcior «Našaj Nivy». Jon vykazaŭ mierkavańnie, što «pry niaźmiennaści palityčnych abstavin šancy na toje, što Biełaruś atrymaje kredyt MVF, roŭnyja nulu».
Mižnarodny valutny fond nie zajmajecca palitykaj, a vyklučna ekanomikaj, pryznaŭ jon. Adnak krainy, jakija majuć upłyŭ na jaho rašeńni, «nie mohuć zapluščyć vočy na situacyju».
Nahadajem, što Biełaruś, skručanaja finansavym kryzisam, zaprasiła ŭ MVF ad 3,5 da 8 miljardaŭ dalaraŭ paśla taho jak u kredycie ŭ patrebnych Minsku pamierach admoviła Rasija.
Dypłamat zajaviŭ, što «nijakich kankretnych razmovaŭ ź Minskam nie viadziecca», a sihnały, jakija «Minsk, moža, i pasyłaje, niesurjoznyja i niepaśladoŭnyja».Jon pryvioŭ prykład zajavy, zroblenaj Alaksandram Łukašenkam u Astanie, ab mahčymym vyzvaleńni palitviaźniaŭ i nastupnym najbolšym prysudzie Mikałaju Statkieviču i Dźmitryju Usu. Jon taksama zhadaŭ novyja abmiežavańni svabody ŚMI, u pryvatnaści, pahrozu zakryćcia «Narodnaj voli» i «Našaj Nivy».
U vypadku niaźmiennaści situacyi, na dumku dypłamata, Jeŭrasajuz praciahnie palityku ihnaravańnia.
Adnosna ekanamičnaj situacyi, dypłamat vykazaŭ mierkavańnie, što «stvarajecca ŭražańnie, što ŭłady Biełarusi ničoha nie robiać». Pavodle jahonych słovaŭ, ź misijaj MVF pieramovy viaduć čynoŭniki z urada, ale ŭsie viedajuć, što rašeńni prymaje nie ŭrad.
Pavodle acenak dypłamata, nie vyklučana raźvićcio ekanamičnaha kryzisu pa śpirali.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary