Parłamient Litvy pryniaŭ 9 červienia zakonaprajekt, jaki padymaje ŭzrost vychadu na piensiju da 65 hadoŭ,paviedamlaje
Takim čynam, uzrost vychadu na piensiju dla žančyn zraŭniajecca z mužčynskim. U adpaviednaści ź dziejnym piensijnym zakanadaŭstvam, žančyny ŭ Litvie vychodziać na piensiju ŭ 60 hadoŭ, mužčyny — u 62 z pałovaj.
Pavialičvać piensijny ŭzrost płanujecca pastupova: na 4 miesiacy ŭ hod dla žančyn i na 2 miesiacy dla mužčyn. Padvyšeńnie pačniecca z 1 studzienia 2012 i praciahniecca da taho času, pakul uzrost vychadu na piensiju nie dasiahnie 65 hadoŭ.
Padvyšeńnie piensijnaha ŭzrostu ŭ Litvie tłumačać finansavymi prablemami sistemy dziaržaŭnaha strachavańnia. Niahledziačy na toje, što ŭ piensijnaj reformy ŭ krainie šmat praciŭnikaŭ, pryniaty parłamientam zakon, chutčej za ŭsio, budzie ŭchvaleny prezidentam. Raniej Dala Hrybaŭskajte zajaŭlała, što krainie nieabchodna pryvieści piensijny ŭzrost u adpaviednaść ź jeŭrapiejskimi normami. U bolšaści krain Zachodniaj Jeŭropy ŭzrost vychadu na piensiju składaje ad 65 da 67 hadoŭ.
Reformy z metaj pavyšeńnia ŭzrostu vychadu na piensiju vymušanyja pravodzić šmatlikija jeŭrapiejskija krainy. U minułym vieraśni padobnaja reforma spravakavała šmatmiljonnyja demanstracyi ŭ Francyi.
Kamientary