Usie — na ŭručeńnie premii «PrajdziŚvieta»! — 15 červienia, a 19-j

Siońnia (15 červienia) u kniharni «łohvinaŬ» (pr. Niezaležnaści, 37, a, st. mietro «Płošča Pieramohi) časopis pierakładnoj litaratury «PrajdziŚviet» abvieścić łaŭreataŭ pierakładnickaj premii. Śpiašajemsia paviedamić, što ŬSIE zajaŭlenyja ŭ šort-liście knihi — z vydaviectva «Łohvinaŭ»:

U naminacyi «Paezija» — kniha Vitala Ryžkova «Dźviery, zamknionyja na klučy», jakaja taksama źmiaščaje pierakłady z ukrainskaje (Serhij Žadan), z hruzinskaje (Haha Nachucryšvili), z amierykanskaje słem-paezii (Majkł Selindžer i Tejłar Meli), i z polskaje (Ryšard Krynicki).

U naminacyi «Proza» adrazu 4 (!) našyja knihi, našyja kryvinački, našyja dziaŭčynački:

Dž. R. R. Tołkin. Kaval ź vialikaha Vutanu. Kazka. Pierakład z anhielskaj Antona Franciška Bryla. 28 staronak.

Usim tałkinistam, jakija ŭžo paśpieli vyhadavać dzietak, pryśviačajecca…

Vyśviatlajecca, što Tołkin napisaŭ nie tolki «Uładara Piarścionkaŭ». Hoblinaŭ u «Kavali» ščyra pryznajemsia, małavata, chobitaŭ uvohule niama, ale čaraŭnictva ad hetaha ŭ kazcy nie pamienieła.

Dziciačaje vydańnie z kalarovymi ilustracyjami.

Volha Takarčuk. Praviek dy inšyja časy. Raman. Pierakład z polskaj Maryny Šody. 240 staronak.

Heta historyja Polščy ŭ minijaciury. Akramia sialanaŭ, pamieščykaŭ, ksiandzoŭ, u ramanie dziejničajuć ruskija i polskija šamany, archanioły i Pan Boh. Usie razam stvarajuć davoli taki realistyčny mistycyzm, vybačajcie, mistyčny realizm.

Narešcie zorka polskaj litaratury prabiłasia na biełaruskija knižnyja palicy. Prabiłasia ŭ pierakładzie Maryny Šody, jakaja toje samaje kolki hadoŭ tamu zrabiła ź iraničnym Paŭłam Hiule («Mersedes-Benc»).

Kurt Vonehut. Bojnia № 5, abo Kryžovy pachod dzietak. Raman. Pierakład z anhielskaje Pavał Kaściukievič.

Zachaplalny siužet, nasyčany sakavitymi dyjalohami tekst. Spałučeńnie elementaŭ navukovaj fantastyki (prychadni z kosmasu, padarožžy ŭ časie) z realnymi padziejami Druhoj Suśvietnaje vajny (bambardavańnie Drezdena amerykanskaj avijacyj) stvaraje toj firmovy kaktejl, jakim zaŭsiody vysłaŭlaŭsia klasyk suśvietnaje litaratury Kurt Vonehut.

Mikael Nijemi. Papularnaja muzyka ź Vituły. Raman. Pierakład sa švedzkaj Volhi Ćvirki. Seryja «Kniharnia «Naša Niva». 314 staronak.

Šviedski fin Mikael Nijemi svaimi raspoviadami pra haračaje skandynaŭskaje padletkaŭstvo ź nievierahodnaj kolkaściu śniehu i ałkaholu razbudziŭ u sercach biełaruskich čytačoŭ haračy vodhuk. Nu, vielmi žyćciaśćviardžalnaja kniha. Samaja papularnaja kniha 2010 h., adnym słovam.

• 0
• 0
• 0
• 0
• 0
• 0
• 0
• 0