«Ja nadta stamiŭsia ad žyćcia. Moj čas syšoŭ…»
Zdareńnie adbyłosia ŭ v. Vulka-Areja Stolinskaha rajona. Alaksandra R. znajšli 24 listapada kala 14.10 u kustach, niepadaloku ad jaho doma. Pa viersii śledstva, małady čałaviek streliŭ sabie ŭ hrudzi z palaŭničaj strelby.
Pa słovach v.a. pamošnika prakurora Stolinskaj prakuratury Alaksieja Jurčanki, padstavaj dla samahubstva stali prablemy na vučobie. Jon źjaŭlaŭsia navučencam Pinskaha dziaržaŭnaha industryjalna-piedahahičnaha kaledža. Baćkam Alaksandra z navučalnaj ustanovy napiaredadni pryjšoŭ list. Ich prasili pryjechać z-za prablem ź pieraddypłomnaj praktykaj syna: jon nie zdaŭ spravazdaču. Baćki paŭščuvali syna. Ale, pa ich słovach, heta nie byŭ skandał. Mierkavali, što 25 listapada ŭsie razam naviedajuć kaledž. Ale syn ź sierady čaćvier nie načavaŭ doma. A paśla znajšli jaho niežyvym.
Jak adznačyŭ Alaksiej Jurčanka, u cełym paśpiachovaść Alaksandra była dobraj.
Na mabilnym telefonie maładoha čałavieka znajšli pieradśmiarotny zapis:
«Ja nadta stamiŭsia ad žyćcia. Moj čas syšoŭ. Ja tolki žadaju vam usim ščaścia ŭ hetym zhasajučym śviecie. Darujcie, ja sychodžu»
Strelba, ź jakoj Alaksandr zastreliŭsia, była zarehistravana na jaho. Małady čałaviek kala dvuch hadoŭ źjaŭlaŭsia palaŭničym.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary