Misija nievykanalnaja: Pratakoł Fantom (Mission: Impossible - Ghost Protocol)
ZŠA, 2011, kalarovy, 132 chv.
Režysior: Bred Biord
Roli vykonvajuć: Tom Kruz, Džeremi Rener, Sajman Peh, Poła Petan, Uładzimier Maškoŭ, Mikaeł Niukvist
Žanr: Pryhodnicki bajavik
Adznaka: 5 (z 10)
Admysłovy ahient Itan Hant uciakaje z rasiejskaj turmy, kab znajści ŭ Kramli jadziernaha terarysta. Ale niahodnik padryvaje Kreml — i ŭ hetym abvinavačvajuć hieroja. Ciapier jahonaja hrupa — pa-za zakonam. Ahienty musiać samastojna niejtralizavać terarysta — i praduchilić atamnuju vajnu.
Misija Toma Kruza — niemahčymyja pryhody na tle suśvietnych dekaracyj, jakija lichamankava źmianiajajucca zhodna z łohikaj kamputarnaje hulni. Maskoŭski Kreml (padarvany), dubajski chmaračos (šyby pavybivanyja), indyjski telecentr (droty paabryvanyja) — placoŭki dla bajavych halivudzskich praktykavańniaŭ. Tom Kruz karaskajecca pa chmaračosie, jak čałaviek-pavuk, nosicca pa Kramlu i padaje na aŭtamabilach z vyšyniaŭ. Jahonyja kampańjony — seksapilnaja Poła Petan i komik Sajman Peh, jaki pasprabavaŭ siabie ŭ roli kamputarnaha zanudy j supierahienta.
Na takija filmy chodziać dziela atrakcyjonaŭ; i henych atrakcyjonaŭ u filmie pad zaviazku: ucioki z turmy, pahonia, vybuchi, ekstrymalny alpinizm, bojka za jadzierny pult. Nazvać hetyja pryhody novymi nie pavaročvajecca jazyk. Ale ličyć stužku — staraju kazkaj, što vyklikaje zamiłavańnie taksama nie vypadaje. Film — sučasny płastykavy tavar, nie sumny j elektryčny. A kali chto j zanudzicca ŭ apošnija 30 chvilinaŭ, pahladzicie na rolu Maškova. Tandetnaja pradkazalnaść jahonaha hieroja dadast bały da vašaje mudraści.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu139139
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu139
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary