Biełaruski i rasijski aŭtabiznes zrabili «rakiroŭku».
Kali raniej rasiejcy kuplali aŭtamabili ŭ biełaruskich aŭtasałonach, to ciapier — biełarusy viazuć kudy bolš tannyja inšamarki z Rasii.
Dyrektar TAA «Multysałon» Dźmitryj Prystaŭka nazvaŭ situacyju «pradkazalnaj ironijaj losu aŭtamabilnaha rynku».
Cikavaść biełaruskich aŭtaamataraŭ da schiemie pastavak z Rasii padahravajuć nizkija ceny. Na peŭnyja madeli aŭtamabilaŭ ekanomija dasiahaje 10–20%. Usiamu vinoj nie tolki bolš nizkaja staŭka PDV u Rasii (18% suprać 20% u Biełarusi), ale i ekanomija na maštabach: dziela rasijskich imparcioraŭ, jakija štohod prałajuć sotni tysiač aŭtamabilaŭ, suśvietnyja vytvorcy iduć na bolš istotnyja sastupki. «Akramia taho, rasijskija dylery dziejničajuć u žorstkim kankurentnym asiarodździ, tamu z bolšaj achvotaj rašajucca na rasprodažy i akcyi, jakija dla Biełarusi zvyčajna nieŭłaścivyja», — rastłumačyŭ ekśpiert.
«Niekatoryja biełaruskija aŭtadylery apynulisia ŭ niavyhadnym stanoviščy, bo dla biełaruskaha spažyŭca vyjhryš u $ 3–4 tysiačy — istotnaja nahoda nabyć inšamarku na rasijskim rynku», —adznačyŭ Dźmitryj Prystaŭka. Naprykład, roźnica ŭ košcie Peugeot 308 dasiahaje $4300, na Ford Focus — $4200, a na Volkswagen Jetta — i zusim $5800.
Da kanca hoda struktura aŭtamabilnaha rynku Biełarusi moža adčuvalna źmianicca. Pa prahnozach staršyni praŭleńnia aŭtamabilnaj asacyjacyi BAA Siarhieja Michnieviča, aficyjnyja dylery, jakija pracujuć napramuju z vytvorcam, nie daličacca jak minimum 1 tysiačy klijentaŭ. I heta — tolki pa aptymistyčnych prahnozach.
Rynkavaje «akienca» užo asvojvajuć novyja hulcy — kampanii, jakija vyrašyli zaniacca pastaŭkami aŭtamabilaŭ z Rasii. Schiema adkrytaja i prazrystaja:
klijent źviartajecca da biełaruskaha pasiarednika, jaki šukaje jamu novuju inšamarku i samastojna dastaŭlaje jaje na aŭtavozie ŭ Biełaruś.Pryčym najbolš kiemlivym kampanijam atrymoŭvajecca atrymlivać źnižki ad rasijskich imparcioraŭ, tak što biełarusu inšamarka dastajecca pa canie, anałahičnaj toj, što dziejničaje dla luboha rasijskaha klijenta. Dastaŭka i strachoŭka aŭtamabila pry hetym kładucca na šyju, dakładniej «kašalok»,
Padobnaja schiema ŭžo znajomaja biełarusam: jaje prytrymlivalisia biźniesmieny, jakija ŭvozili pa zamovie patrymanyja inšamarki z ZŠA i Kanady. U adroźnieńnie ad ich, ciapierašnija ŭdzielniki rynku prapanujuć tolki novyja aŭtamabili suśvietnych vytvorcaŭ, a, značyć, pakupnik atrymlivaje harantyju vytvorcy i mahčymaść ažyćciaŭlać servisnaje absłuhoŭvańnie ŭ Biełarusi.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary