500 dalaraŭ — minimum, kab atrymać adpačynak?
Biełarusaŭ zaprašajuć u Šry-Łanku i Vjetnam, a voś pucioŭki ŭ ajčynnyja sanatoryi ŭžo zakončylisia. U Minsku prajšła vystava «Adpačynak-2012».
Papularnaja ekzotyka
Paśla kryzisnaha 2011, kali mnohija biełarusy byli vymušanyja admovicca ad zamiežnaha adpačynku, turystyčny rynak viartajecca na raniejšyja abaroty. Apieratary spadziajucca, što našy suajčyńniki sabrali dastatkova hrošaj, kab dazvolić sabie adpačynak kłasa luks. Tamu siarod novych kirunkaŭ — spres ekzatyčnyja krainy.
Naprykład, biełaruskija turfirmy buduć vazić ludziej u Vjetnam i Kambodžu (kala $2000 na 14 dzion). Nabirajuć papularnaść i inšyja azijackija krainy — Šry-Łanka ($1800 na 11 dzion), Kitaj (ad $1300 za tydzień adpačynku). U kožnym z pryviedzienych varyjantaŭ praduhledžvajecca vylet ź Minska.
Hrecyja i AAE stanoviacca biudžetnym varyjantam
Što da tradycyjnych kirunkaŭ adpačynku — Ukraina, Turcyja, Jehipiet, — to kankurencyju im pačynajuć składać Hrecyja i Abjadnanyja Arabskija Emiraty.
Tydzień adpačynku ŭ Hrecyi možna zamović za $700—800. Emiraty kaštujuć krychu daražej — kala $1000 (piacizorkavy hatel).Kali ž pahadzicca na trochzorkavy hatel i municypalny plaž, canu adpačynku možna źmienšyć u paŭtara-dva razy. Pryblizna stolki ž płaciać i turysty, jakija laciać pa pravieranych kirunkach u Turcyju ci Jehipiet.
Niedastupnyja sanatoryi
Tym časam adpačynak u Biełarusi, pa zmoŭčańni nie taki darahi, stanovicca dla biełarusaŭ usio bolš niedastupnym. Sanatoryi «akupujuć» rasiejcy, i znajści ŭ krasaviku pucioŭku ŭžo nierealna. Šaniec atrymali tyja, chto pačaŭ kłapacicca pra letni adpačynak jašče ŭ śniežni…
Zrešty, i ceny kusajucca.
Naprykład, u červieni za 12 dzion (standartny kurs lačeńnia) u papularnym sanatoryi «Radon» na Dziatłaŭščynie daviadziecca zapłacić… $500!Heta adzin z samych papularnych sanatoryjaŭ, jaki prapanuje hrazielačeńnie. Najbližejšaja svabodnaja data — 23 vieraśnia.
Sanatoryj «Junactva» na bierazie Minskaha mora za tyja ž 12 dzion prosić $550. Pryčym hrama-dzianie inšych krain płaciać jašče bolš. Najbližejšaja data zajezdu — 28 žniŭnia.
Darečy, padaraželi i letniki. Kali letaś siaredni košt pucioŭki ŭ łahier z kruhłasutačnym znachodžańniem składaŭ prykładna 800 tys. rubloŭ, to sioleta jon dasiahnie aryjencirovačna 1,5 miljona rubloŭ. Pry hetym dziaržava i tak daciruje kala 40% ad koštu.
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud17
Kamientary