Ale tam nie admaŭlajuć fakta vykarystańnia fizičnaj siły.
U internecie źjaviłasia videa zatrymańnia ŭ Kalinkavičach 1 maja milicyjantami maładoha čałavieka. U dvuch karotkich rolikach ničoha niezrazumieła akramia taho, što dva čałavieki ŭ formie skrucili treciaha, prycisnuŭšy jaho da ziamli. Usio heta supravadžałasia maciukami z boku vidavočcaŭ jak na adras milicyjantaŭ, tak i zatrymanaha.
U podpisie da videa ž havorycca, što supracoŭniki milicyi maładomu čałavieku nibyta złamali šyju i jon ciapier samastojna nie moža dychać.
Mnohija sajty paśpiašali pierastavić hetuju infarmacyju.
U Kalinkavickim RAUSie prakamientavali situacyju.
Pa słovach namieśnika načalnika pa ideałahičnaj pracy i kadravym zabieśpiačeńni Maryny Pilipiec, 1 maja ŭ haradskim parku adbyłasia bojka ŭ kampanii maładych ludziej.
Supracoŭniki milicyi ŭzialisia raźniać ich. Była vykarystana fizičnaja siła. Pilipiec adznačyła, što, kali čałaviek, jaki fihuruje na videa, źviarnuŭsia ŭ balnicu, padstaŭ dla jaho špitalizacyi nie było — ciažkich paškodžańniaŭ nie atrymaŭ. Razam z tym, jon byŭ pjany.
Śledčym kamitetam pa hetym fakcie pravodzicca pravierka.
Taksama vyrašajecca pytańnie z zaviadzieńniem kryminalnaj spravy na žychara rajonnaha centra za supraciŭ milicyjantam.
U toj ža čas, adzin z žycharoŭ Kalinkavič paviedamiŭ nam pra złamany nos u maładoha čałavieka, strasieńnie mozha i nieabchodnaść praviadzieńnia apieracyi.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary