U Jeŭropie hatovyja addać Biełaruś Maskvie.
Ułady Biełarusi pakul nie hatovyja da dyjałohu ź ES — pra heta zajaviŭ na sustrečy z hramadskaściu ŭ Mahilovie pasoł Polščy Lešak Šarepka. Sustreča prachodzili ŭ hramadskim centry «Koła» ŭ miežach prajektu «Jeŭrapiejski kłub» ruchu «Za svabodu».
Lešak Šarepka zaznačyŭ:
«Umovy dyjałohu nie źmianilisia — usie viaźni sumleńnia, ci jak vy ich nazyvajecie palitviaźni, pavinny vyjści z turmaŭ i być reabilitavanyja. Akramia taho, my chočam mieć harantyi, što praź miesiac ci dva pa vyzvaleńni jany znoŭ nie trapiać u turmu, kali źmienicca palityčnaja abstanoŭka.Hałoŭnaje ŭ hutarcy pra Biełaruś tyčycca palityčnych kaštoŭnaściaŭ. My možam supracoŭničać u lubych pytańniach. My hatovyja vam dapamahać, ale my pavinny razmaŭlać na movie zrazumiełaj adno adnamu, jakaja maje ahulny kaštoŭnasny bazis. Kali my budziem hetaha pilnavacca, to nie budzie nijakich prablemaŭ.
Vaša ŭłada nie hatovaja da hetaha. Ničoha istotnaha nie mianiajecca.Ja nie chacieŭ by ličyć, kolki ciapier u Biełarusi palitviaźniaŭ — ja nie chacieŭ by naahuł, kab u vas hetaja źjava była, i kab byli harantyi, što heta nie budzie paŭtaracca.
My nie adzin raz užo havaryli pra heta, rabili kroki nasustrač i potym znoŭ recydyŭ. Tut hałoŭnaja prablema».
Pra efiektyŭnaść ekanamičnych sankcyj Lešak Šarepka zajaviŭ:
«Jość krainy, jakija zaležać ad Biełarusi. Naprykład, prybałtyjskija krainy, jakija atrymlivajuć niebłahija prybytki ad tranzitu tavaraŭ. Tut nie ŭsio tak adnaznačna. Jość bahata ludziej, jakija kažuć, što sankcyi naahuł nie pracujuć. Naprykład, Kuba izalavanaja, ale jana niejak ža raźvivajecca. Ja dumaju, što vialikim pośpiecham ES stała toje, što my zdoleli zrabić rašučyja kroki ŭ adnosinach da biełaruskaha režymu».
Na pytańnie pra rolu aficyjnaj Maskvy ŭ padtrymcy biełaruskaha režymu pasoł Polščy zaznačyŭ:
«Naahuł u Jeŭropie jość siły, jakija dumajuć, što lepiej havaryć z Maskvoj, čym marnavać čas u hutarkach ź Minskam ci Kijevam.
Aficyjny Minsk krychu stamiŭ. Niekatoryja palityki na Zachadzie byli b duža zadavolenyja, kab nie było prablemy Łukašenki i rašać biełaruskija pytańni možna było b praz Maskvu».
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik50
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu1515
Kamientary