Pra heta na pres-kanfierencyi 5 lipienia zajaviŭ hienieralny dyrektar biełaruskaj kampanii Alaksandr Baroŭski.
Pavodle jaho słoŭ, praca kamisii pa stvareńni chołdynhu praciahvajecca. «Jość jašče šmat pytańniaŭ, u tym liku pa acency ryzykaŭ jak biełaruskim, tak i rasijskim bokam. Ja dumaju, što da kanca hoda my abjadnajemsia», — skazaŭ Baroŭski.
Jak zajaviŭ 22 červienia pieršy vice-premjer Uładzimir Siamaška, Biełaruś maje namier unieści ŭ chołdynh «Raśbiełaŭta» 75% akcyj MAZa minus adna akcyja. Jon nahadaŭ, što była doŭhaja dyskusija z nahody rynačnaha koštu MAZa. U vyniku biełaruskaje pradpryjemstva aceniena ŭ 1,1 młrd. dołaraŭ. Rynačny košt rasijskaha KAMAZa skłaŭ 1,6 młrd. dołaraŭ. Siamaška padkreśliŭ, što chołdynhu «Rastechnałohii» naležyć 49,9% akcyj KAMAZa. Razam z tym MAZ na 100% naležyć dziaržavie. Adnak pieršapačatkova abjadnańnie aktyvaŭ u ramkach chołdynhu «Raśbiełaŭta» mierkavałasia ažyćciavić na parytetnaj asnovie.
«Jak pakazali raźliki, kali KAMAZ uniasie 49,9% akcyj, jakija naležać dziaržavie, to MAZu treba ŭnosić 75%, — skazaŭ pieršy vice-premjer. — Ale kab u nas byŭ upłyŭ na hetyja pracesy, my chočam 25% plus adna akcyja pakinuć u Biełarusi, a 75% minus adna akcyja addać u chołdynh. Tym samym my dasiahniem parytetnaści bakoŭ. I tady rašeńni buduć prymacca kansensusam. I nichto z udzielnikaŭ chołdynhu nie adčuje siabie ŭščemlenym». Siamaška padkreśliŭ, što mienavita takaja prapanova była zroblena rasijskamu boku i na jaho atrymany stanoŭčy adkaz. Takuju schiemu abjadnańnia ŭchvaliŭ i kiraŭnik dziaržavy. «Značyć, dumaju, chołdynh budzie stvorany na takich umovach», — skazaŭ pieršy vice-premjer.
Kamientary