Žurnalista «Jeŭraradyjo» Vitala Ruhajna adpuścili
Spravu nakiravali na dapracoŭku.
16:33
Vitala Ruhajna adpuścili. Spravu nakiravali na dapracoŭku, paviedamlajuć jaho kalehi. Jaho sudzili ŭ sudzie Centralnaha rajona nibyta za brydkasłoŭje.
Vital Ruhajn byŭ zatrymany viečaram u sieradu na vulicy Haradski Vał u Minsku. Zatrymańnie pravodziła hrupa milicyjantaŭ u cyvilnym. Paźniej vyśvietliłasia, što na žurnalista skłali pratakoł ab administracyjnym pravaparušeńni i advieźli čakać suda ŭ Centr izalacyi pravaparušalnikaŭ na Akreścina.
* * *
Ranicaj 24 lipienia žurnalist Vital Ruhajn, jakoha miesiac tamu sprabavali zatrymać la redakcyi Jeŭraradyjo, pasprabavaŭ viarnucca ŭ Biełaruś. Ź Vilni ŭ Minsk jon jechaŭ ciahnikom. U Hudahai jaho źniali. Paśla mytnaha nadhladu ŭ Vitala zabrali pašpart, noŭtbuk, ale paśla ŭsio viarnuli i jaho adpuścili.
Paśla zatrymańnia 22 červienia žurnalista Jeŭraradyjo Paŭła Śviardłova, nieviadomyja ŭ cyvilnym čakali kala ofisa Vitala Ruhajna.
Adnak z dapamohaj žurnalistaŭ inšych ŚMI, jakija pryjšli ŭ ofis, Ruhajnu ŭdałosia zastacca na voli i źjechać z krainy ŭ Polšču.
Jeŭraradyjo rabiła repartaž ź minskaha mietro, u časie padrychtoŭki jakoha žurnalisty prajšlisia pa padziemcy ź ciažkoj valizkaj, i na ich nichto nie źviarnuŭ uvahi. Zatrymańnie Paŭła Śviardłova (jon adsiadzieŭ 15 sutak aryštu), a ciapier i Vitala Ruhajna, mahło stać svojeasablivaj pomstaj.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary