Śpikier Viarchoŭnaj Rady Ukrainy Uładzimir Litvin padpisaŭ zakon «Ab pryncypach dziaržaŭnaj moŭnaj palityki». Jon nakiravany na podpis prezidentu Viktaru Janukoviču.
Jak zajaviŭ Litvin, jon nie moh nie padpisać dakumient, jaki pašyraje ŭžyvańnie rasijskaj movy na rehijanalnym uzroŭni, pakolki «pa Kanstytucyi Ukrainy i parłamienckim rehłamiencie ŭ staršyni Viarchoŭnaj Rady jość tolki abaviazki, ale niama nijakich pravoŭ».
Napiaredadni na pazačarhovaj siesii Rady praprezidenckaja bolšaść admoviłasia hałasavać za admienu hetaha zakonu i adchiliła zajavu Litvina ab adstaŭcy.Śpikier napisaŭ jaje adrazu paśla zaćviardžeńnia dakumienta 3 lipienia. U kiroŭnaj Partyi rehijonaŭ nie raz pahražali Litvinu sudom, kali jon nie pastavić podpis pad «moŭnym» zakonam. Jaho pryniaćcie supravadžałasia bojkami ŭ ścienach parłamienta i spravakavała pa ŭsioj krainie vuličnyja pratesty.
U pačataj va Ukrainie kampanii pa vybarach u parłamient moŭnaja tema, miarkujučy pa ŭsim, budzie adnoj z hałoŭnych.
Na dumku apanientaŭ ułady, padpisaŭšy skandalny zakon, Litvin staŭ saŭdzielnikam złačynstva.«Hety antykanstytucyjny vyklik ukrainskamu hramadstvu budzie admienieny novaj demakratyčnaj bolšaściu Viarchoŭnaj Rady», — padkreślivajecca ŭ zajavie abjadnanaj apazicyi.
Ciapier čytajuć
Kab nie siadzieć u Rasii za narkotyki, małady danosčyk z Ašmianaŭ zapisaŭsia na front. Dyj zhinuŭ5
Kamientary