Mikałaju Statkieviču ŭ turmie nie dadajuć charčoŭ
Jon patrabuje ad turemščykaŭ vykanańnia normaŭ charčavańnia viaźniaŭ.
Mikałaj Statkievič dasłaŭ list žoncy, Marynie Adamovič. Taksama Maryna razmaŭlała ź im pa telefonie i ź jaho słovaŭ pieradaje padziaku ŭsim aktyvistam, jakija ŭvachodzili ŭ hrupy pa vyłučeńni Statkieviča kandydatam na deputata. Pavodle Maryny Adamovič, u turmie Mikałaju Statkieviču pieradali častku kopij rašeńniaŭ vybarčych kamisij, jakija admovilisia rehistravać byłoha kandydata na prezydenta. «Mikoła adrazu zaŭvažyŭ, što teksty admoŭ byccam napisany pad kapirku», — kaža Maryna Adamovič. Ź lista joj stała viadoma i pra praciahłuju baraćbu muža za toje, kab daskanała vykonvalisia normy charčavańnia viaźniaŭ. Na svaim prykładzie Statkievič pierakanaŭsia, što hetyja normy parušajucca.
«Napisaŭ, što sprabavali spravakavać jaho na kanflikt, nachabna i hruba nie dadajučy „pajku“. Na kanflikt jon nie pajšoŭ, ale zaraz dumaje, što rabić z tym, što charčavańnie absalutna nie adpaviadaje normie. Piša: „Kali nie pieraviaduć na ahulny režym, kab sam padkarmiŭsia, to chaj charčujuć hetak, jak patrabuje norma i što apłačvajecca z majoj pensii.“ Paviedamiŭ, što na kamisii, kali jamu praciahvali turemny režym, jon publična nazvaŭ kradziažom toje, što jamu nie dadajuć charčavańnia, za jakoje jon płacić. „Dzie maje 250 hramaŭ harodniny, jakich ja nie baču?“ A mnie sapraŭdy viadoma, što ŭ turmie ježy nie dadajuć, a padsiłkavacca niemahčyma, bo prava na charčovyja pieradačy taksama abmiežavana».
Byłoha kandydata na prezydenta Mikałaja Statkieviča asudzili za Płošču na 6 hadoŭ źniavoleńnia i ŭ pačatku hoda pieraviali sa Škłoŭskaj kalonii ŭ krytuju turmu ŭ Mahiloŭ jak złosnaha parušalnika režymu. Uletku Statkieviču praciahnuli ŭtrymańnie ŭ kamery krytaj turmy.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary