Amierykanski sud prysiažnych vyrašyŭ, što karejcy kapijavali dyzajn ajfonaŭ.
«Najvažniejšy dzień dla Apple», - tak kiraŭnik karparacyi Cim Kuk apisaŭ pieramohu ŭ klučavym patentavym razhladzie z Samsung. Amierykanski sud vynies rašeńnie ab vypłacie kampanii Styva Džobsa kampiensacyi ŭ pamiery $ 1,05 miljarda: prysiažnyja pryznali paŭdniovakarejskuju kampaniju vinavataj u parušeńni šaści ź siami technałohij Apple.
Heta nie pieramoha amierykancaŭ, ličać karejcy, a paraza spažyŭcoŭ.Apple ža, na dumku prysiažnych, nie parušyła nivodzin ź piaci patentaŭ paŭdniovakarejskaha kancerna, jakija adstojvaŭ Samsung u sudzie.
Sud acaniŭ škodu Apple u mienšuju sumu, čym patrabavała amierykanskaja karparacyja ($ 2,5 miljarda). Ale ŭsio adno jana stała adnym z najbujniejšych kampiensacyj škody ŭ halinie intelektualnaj ułasnaści ŭ karparatyŭnaj historyi.
U krasaviku 2011 hoda Apple abvinavaciła paŭdniovakarejski kancern u naniasieńni škody praz taho, što vytvorca mabilnych pryładaŭ kapijavaŭ dyzajn smartfonaŭ iPhone i płanšetaŭ iPad. Paźniej u adkaz pazoŭ padała Samsung, zajaviŭšy, što amierykanskaja kampanija parušała jaho patenty ŭ halinie prahladu fatahrafij, prajhravańnia muzyki ŭ fonavym režymie, technałohii stvareńnia ŭkładańnia ŭ elektronny list i vysakachutkasnaj pieradačy danych. Paźniej spravy byli abjadnanyja.
Sud prysiažnych vyznačyŭ, što Samsung naŭmysna kapijavali technałohii Apple ŭ halinie dyzajnu i funkcyjanału pryład. Rašeńnie nie tyčyłasia tolki dyzajnu płanšetnych kamputaraŭ.
Ciapier čytajuć
Kab nie siadzieć u Rasii za narkotyki, małady danosčyk z Ašmianaŭ zapisaŭsia na front. Dyj zhinuŭ5
Kamientary