Parłamientaryi krain NATO zaklikali Biełaruś, Rasiju i Ukrainu rasśledavać fakty parušeńniaŭ na vybarach
Parłamienckaja asambleja NATO zaklikała ŭłady Biełarusi, Rasii i Ukrainy rasśledavać fakty parušeńniaŭ na vybarach, što prajšli ŭ hetych krainach. Taki zaklik utrymlivajecca ŭ rezalucyi, pryniataj na58-j siesii PA NATO, jakaja prachodziła 9–12 listapada ŭ Prazie, paviedamlajepres-słužba arhanizacyi.
Parłamientaryi krain Paŭnočnaatłantyčnaha aljansu zaklikali Biełaruś, Rasiju i Ukrainu vykanać rekamiendacyi, zroblenyja mižnarodnymi arhanizacyjami, jakija nazirali za chodam vybarčych kampanij u troch krainach.
Aprača taho, rezalucyja zaklikaje Biełaruś, Rasiju i Ukrainu nieadkładna vyzvalić usich palityčnych źniavolenych (kankretnyja imiony ŭ dakumiencie nie nazyvajucca).
U rezalucyi taksama ŭtrymlivajecca zaklik da krain — členaŭ NATO «padtrymać demakratyju ŭ krainach Uschodniaj Jeŭropy, asabliva ŭ Biełarusi, Hruzii, Rasii i va Ukrainie».
Nahadajem, ABSIE nie pryznała parłamienckija vybary, što prajšli 23 vieraśnia ŭ Biełarusi, svabodnymi i demakratyčnymi. «Mnohija abaviazacielstvy ŭ miežach ABSIE pa demakratyčnych pravach hramadzian na svabodnaje vyłučeńnie kandydataŭ i mahčymaść svabodna vykazvać mierkavańnie nie byli vykananyja. Vybary nie pravodzilisia spraviadliva, a praces padačy skarhaŭ i apielacyj nie harantavaŭ efiektyŭnaha srodku abarony», — havaryłasia ŭ dakładzie naziralnikaŭ ABSIE pa vynikach vybaraŭ.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary