№ 25 (182), 19 — 26 červienia 2000 h.
sport
ČESKAJA TRAHIEDYJA Ŭ DŹVIUCH DZIEJACH
Vychavancy Havaneca vylatajuć z EURO-2000
Pieršaja na turniry hulnia čechaŭ suprać aranžavych halandcaŭ prademanstravała futbolnamu Staromu śvietu, što vice-čempijony Eŭropy'96 nie razvučylisia hulać u futboł. Uvieś druhi tajm bramnik haspadaroŭ van der Sar chapaŭsia za serca, kali da jaho bramy bliziłasia dvuchmetravaja niebiaśpieka pad nazovam Jan Koler. Dva razy paśla atak ź jaho ŭdziełam źvinieła papiarečyna, ale... Na apošnich chvilach matču italjanski arbitar Kalina pryznačaje penalci paśla akrabatyčnaha padzieńnia ŭ českaj štrafnoj Ronalda de Bura... 0:1 — radaść aranžykaŭ dy ślozy čechaŭ.
Hulnia suprać čempijonaŭ śvietu francuzaŭ pačałasia z pamyłki abaroncy Habryeła, jaki adpraviŭ na randevu z bramnikam Srničakam haleadora Anry. Ciemnaskury francuz byŭ na vyšyni, ale čechi nia dumali apuskacca na kaleni. Jany z zapałam kinulisia šturmavać abarončyja reduty supiernikaŭ, dy naprykancy tajmu Bartez atrymaŭ «na arechi» ad Kareła Paborski, jaki trapna prabiŭ penalci. Adnak paśla piarervy perspektyvy českaj družyny na belhijska-halandzkim śviacie futbołu byli pierakreślenyja paśla ledź nie adzinaj niebiaśpiečnaj ataki francuzaŭ u druhoj pałovie — 1:2... Potym byŭ adčajny nacisk kamandy Havaneca, čarhovy streł Kolera ŭ pieraviasła, udar biezvychodnaści Łokvienca...Finalny śvistok zabiŭ nadzieju ŭ dušach českich zaŭziataraŭ dy futbalistaŭ. U toje, što Danija pieramoža Halandyju, słušna nia vieryŭ nichto...
Bohuś Bijatlanionak
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu44
Kamientary