№ 23 (285), 21 červienia 2002 h.
apytańnie “NN”
Eŭrapiejski patryjatyzm
suprać zachapleńnia brazylcami?
Jakaja kamanda stanie čempijonam śvietu pa futbole? — z takim pytańniem naš karespandent źviarnuŭsia da viadomych ludziej.
Pavał Kazłoŭski, były ministar abarony: Brazylcy. Mnie padabajecca ich hulnia.
Valery Frałoŭ, deputat pałaty pradstaŭnikoŭ: Brazylija. U finale budzie zmahacca sa zbornaj Paŭdniovaj Karei.
Jury Bieleńki, adzin ź lideraŭ Kanservatyŭna-chryścijanskaje partyi BNF: Chočacca, kab čempijonam stała samaja pryhožaja kamanda va ŭsich adnosinach. Technikaj mnie padabajucca brazylcy, svajoj arhanizacyjaj i volaj padabajucca niemcy.
Uładzimier Arłoŭ, piśmieńnik: Budu chvareć za kamandu Senehału. Čamu? Adnojčy ŭ vitrynie šapika ja ŭbačyŭ hazetu “Sovietskaja Biełoruśsija” z raskładam hulniaŭ čempijanatu, dzie było napisana “Siniehał”. Ja padumaŭ, što kali, u adroźnieńnie ad supracoŭnikaŭ “Sovietskoj Biełoruśsii”, ja viedaju, jak pravilna pišacca nazva hetaj krainy, to čamu b mnie za jaje nie pachvareć?
Alaksandar Starykievič, hałoŭny redaktar hazety “Biełaruski čas”: Maje šancy adna z eŭrapiejskich zbornych. Heta ci Anhielščyna, ci Niamieččyna — tyja, na kaho nia nadta šmat było spadziavańniaŭ, ale jany kročać dalej.
Valancina Palevikova, staršynia žanočaj partyi “Nadzieja”: Im stanie pieramožca pary Anhielščyna—Brazylija. I mnie padajecca, što pieramoža Anhielščyna.
Andrej Sańnikaŭ, kaardynatar “Chartyi'97”: Anhielščyna. Ja čakaju hetaha z 1966 h., kali jany stali čempijonami.
Vincuk Viačorka, lider BNF “Adradžeńnie”: Brazylija. Jana, akramia enerhietyki, ułaścivaj łacinaamerykanskamu i asabliva brazylskamu futbołu, demanstruje jašče i peŭnuju stabilnaść.
Uładzimier Chilmanovič, staršynia Haradzienskaj abłasnoj filii “Fondu imia Lava Sapiehi”: Čempijanat atrymaŭsia antyeŭrapiejski. Heta tyčycca i arbitražu, i zaŭziatarstva. Upieršyniu eŭrapiejcy chvarejuć suprać eŭrapiejcaŭ. Ja liču, što Brazylija i Paŭdniovaja Kareja byli štučna vyviedzieny na nastupny etap. Chočacca, kab pieramahła eŭrapiejskaja družyna — Anhielščyna ci Niamieččyna, choć pry takich adnosinach heta amal niemahčyma.
Jak vyjaviłasia, šmat jakija viadomyja ludzi pa roznych pryčynach za čempijanatam nia sočać. Siarod ich Vital Supranovič, Viktar Ivaškievič, Adam Hlobus.
Apytvaŭ A.T.
Kamientary