Сёньня ў японскім горадзе Осака на чэмпіянаце сьвету па лёгкай атлетыцы прайшоў фінал па кіданьні молату. Беларус Іван Ціхан стаў чэмпіёнам сьвету.
Аднак у фінальных кідках справы ў Івана Ціхана не пайшлі. Ён толькі з апошняга месца трапіў у фінальную восемку, якой даваліся лішнія тры спробы. Дзевятоўскі ішоў другім, саступаючы толькі славенцу Прымажу Козмусу.
Сытуацыя практычна ніяк не мянялася да апошняй спробы, калі Іван Ціхан зашпурнуў молат аж 83 мэтры 63 сантымэтры. Годны адказ нашаму асілку ніхто зрабіць так і ня змог. Такім чынам, Іван стаў трохразовым чэмпіёнам сьвету.
Шкада, што без мэдалёў застаўся Вадзім Дзевятоўскі, якога апярэдзіў славак Лібар Харфрайтаг. Вадзім у выніку на чацьвёртым радку.
Пасьля трох дзён спаборніцтваў на чэмпіянаце сьвету беларусы маюць тры мэдалі — па адным кожнай вартасьці.
***
Іван Ціхан нарадзіўся 24 ліпеня 1976 г. у в.Глаўсевічы (Слонімшчына). Дагэтуль Ціхан двойчы станавіўся чэмпіёнам сьвету — у 2003 (Парыж) і ў 2005 (Хельсінкі). У 2004 годзе ён стаў другім на Алімпійскіх гульнях у Атэнах. У ліпені 2005 г. Іван Ціхан кінуў молат на адлегласьць 86 мэтраў 73 сантымэтры, што толькі на адзін сантымэтар саступае лепшаму выніку ў гісторыі чалавецтва, які ў жніўні 1986 г. усталяваў савецкі малатабоец Юры Сядых. Трэніруецца Ціхан у алімпійскага чэмпіёна Сэулу‑1988 Сяргея Літвінава. Жыве ў Горадні.
Цяпер чытаюць
Хто забараняе ў Беларусі кнігі — вось гэтыя 22 чалавекі5
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары