Хадаркоўскі: Пуцін даў Кіеву шанец стаць цэнтрам прыцягнення славянскага свету
Непрадуманая палітыка Расіі ў дачыненні да Украіны забрала магчымасць у Масквы стаць цэнтрам прыцягнення ўсходнеславянскага свету. Пра гэта ў Кіеве заявіў расійскі палітык Міхаіл Хадаркоўскі.
Ён лічыць, што гэты цэнтр цяпер можа перамясціцца ў Кіеў.
«У выніку амбіцый нашага прэзідэнта надоўга або назаўсёды заблакаваная магчымасць для Масквы стаць цэнтрам прыцягнення усяго ўсходнеславянскага свету», — сказаў ён.
«У выніку гэтай глыбока непрадуманай палітыкі месца славянскага цэнтра можа праз тысячагоддзя вярнуцца Кіеву», — лічыць Хадаркоўскі.
Паводле яго слоў, «фактычна пахаваная ідэя аб'яднання праваслаўнай царквы вакол Масквы».
Ён звярнуў увагу на тое, што мільёны расійскіх грамадзян за мяжой цяпер сталі аб'ектамі недобразычлівых адносіны.
«Гэта падобна на тое, як калі б ЗША замест таго, каб ствараць Еўраатлантычны альянс, увялі войскі на тэрыторыю Канады, каб дыктаваць, як развіваць адносіны народа гэтай краіны», — лічыць Хадаркоўскі.
Ён перакананы, што ў XXI стагоддзі нельга жыць па правілах мінулых стагоддзяў, думаць катэгорыямі сілавога адабрання тэрыторый, а неабходна думаць катэгорыямі павышэння якасці жыцця людзей.
«У сучасным глабалізаваным свеце гэта не проста здаецца дзіўным і дзікім, гэта пройгрышныя паводзіны», — сказаў Хадаркоўскі.
-
Статкевіч: Для Беларусі можа стварыцца такая сітуацыя, што ўсе дзяржавы вакол нас будуць мець ядзерную зброю
-
Стаўка большая, чым жыццё: што азначае ліст Зяленскага Пуціну
-
Палітвязень Кім Самусенка параўнаў свет на моманты яго пасадкі і вызвалення: Усё нядрэнна для еўрапейскай цывілізацыі, а значыць, і для беларусаў
Хто забараняе ў Беларусі кнігі — вось гэтыя 22 чалавекі33
Каментары