Аўстрыя плануе паступова адмяніць асаблівую працэдуру перасячэння мяжы, заявіў федэральны канцлер Вернер Файмен.
Фота GettyImage
«Мы дапамаглі больш чым 12 тысячам чалавек у цяжкай сітуацыі. Цяпер мы павінны пачаць паступова выходзіць з стану надзвычайнага становішча і працягваць працаваць у нармальным рэжыме», — гаворыцца ў заяве канцлера.
Праз палегчаныя правілы ў мінулыя выходныя тысячы мігрантаў здолел перасячы аўстрыйскую мяжу і застацца ў Аўстрыі альбо прайсці ў ФРГ.
Раней улады Германіі і Венгрыі выступілі з заявамі, з якіх вынікае, што рашэнне прапусціць тысячы мігрантаў праз аўстра-венгерскую мяжу насуперак правілам Еўрасаюза не будзе насіць прэцэдэнтнага характару.
Германія, куды накіроўваецца большасць мігрантаў, папярэдзіла, што яе гатоўнасць дапамагчы абмежаваная і ёю не варта злоўжываць.
Міністр унутраных спраў Германіі Томас дэ Мезьер заявіў, што рашэнне прыняць мігрантаў у апошнія дні было часовай мерай і выключэннем з правілаў. Паводле яго слоў, правілы ЕС, якія патрабуюць, каб мігранты прасілі прытулку ў першай жа краіне ЕС, у якую яны трапляюць, застаюцца ў сіле.
Цяпер чытаюць
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ9
Каментары