Больш за 150 чалавек загінулі ў выніку паводкі ў паўночных і цэнтральных раёнах Кітая, дзясяткі людзей лічацца зніклымі без вестак. Сотні тысяч людзей вымушаныя былі пакінуць свае дамы.
Больш за ўсё ад паводак і апоўзняў пацярпелі правінцыі Хэбэй і Хэнань.
Каля 114 чалавек загінулі ў Хэбэі, 111 — лічацца зніклымі, па меншай меры 53 тысячы дамоў былі разбураныя.
У горадзе Сінтай, дзе загінулі 25 чалавек, людзі выйшлі на дэманстрацыю, абвінаваціўшы ўлады ў тым, што іх ніхто не папярэдзіў аб паводцы.
Тысячы жыхароў вёсак перакрылі дарогу ў пятніцу, аднак паліцыя змагла іх разагнаць, паведамляе выданне South China Morning Post. Яны таксама скардзіліся на адсутнасць папярэджанняў аб паводцы і недастатковыя намаганні па выратаванні людзей.
У правінцыі Хэнань загінулі не менш за 15 чалавек, былі эвакуяваныя 72 тысячы чалавек.
Кітайскія ўлады паведамілі, што дадуць пацярпелым раёнам сродкі на аднаўленне. Ва ўсіх пацярпелых раёнах адзначаюцца перабоі з электрычнасцю і транспартным рухам.
Праліўныя дажджы не спыняюцца ў розных раёнах Кітая з канца чэрвеня. Асабліва складаная абстаноўка назіраецца ў рэгіёнах у басейне ракі Янцзы. Ахвярамі паводак, сходаў селяў і апоўзняў за гэтае лета ў Кітаі сталі больш за 200 чалавек.
Цяпер чытаюць
Хто забараняе ў Беларусі кнігі — вось гэтыя 22 чалавекі16
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары