Лукашэнка: Я вымушаны быў пасяліцца на Прыпяці, пабудаваў тут драўляны дом
Аляксандр Лукашэнка адзначае значны прагрэс, дасягнуты за апошнія два дзесяцігоддзі, у пытанні рэабілітацыі пацярпелых ад катастрофы на Чарнобыльскай АЭС тэрыторый.
Аб гэтым кіраўнік дзяржавы заявіў сёння, наведваючы Палескі дзяржаўны радыяцыйна-экалагічны запаведнік у Хойніцкім раёне.
«Для мяне гэта частка майго асабістага і прэзідэнцкага жыцця. Хоць тут усё перамяшана. Ад болю да станоўчых уражанняў. Я пражыў гэтае жыццё разам з імі (жыхарамі пацярпелых тэрыторый)», - падкрэсліў беларускі лідар.
Кіраўнік дзяржавы адзначыў, што як у першыя гады свайго прэзідэнцтва, так і цяпер працягвае рэгулярна наведваць Гомельшчыну, у тым ліку забруджаныя радыяцыяй месцы. «Самае галоўнае — што тут нармальна жывуць людзі, — сказаў ён. - У тыя далёкія часы, калі я прыехаў на другім годзе свайго прэзідэнцтва сюды, людзі былі запалоханыя. Шмат хто на гэтым рабілі палітыку, яны ўжо за мяжой сядзяць (жылі на замежныя гранты). Яны з'ехалі, а людзі засталіся жыць».
«За гэтыя 20 гадоў вельмі шмат што змянілася. Тут людзі жывуць, як і ва ўсёй Беларусі. Гэта самая вялікая для мяне радасць, адзін з вынікаў гэтага прэзідэнцкага перыяду — тое, што зрабіў беларускі народ. Ён не проста захаваў, ён вярнуў да жыцця гэтыя тэрыторыі. Гэта галоўны вынік», - заявіў Аляксандр Лукашэнка.
Кіраўнік краіны расказаў, што пытанне аднаўлення і рэабілітацыя пацярпелых ад АЭС тэрыторый асабіста для яго складае большую частку жыцця. Менавіта тут прыходзілася прымаць самыя сур'ёзныя рашэнні.
«Калі мы пачалі асвойваць землі, вельмі шмат было крытыкі ў мой адрас. Тады я вымушаны быў пасяліцца на Прыпяці, пабудаваў драўляны дом», - адзначыў ён.
Цяпер чытаюць
Хто забараняе ў Беларусі кнігі — вось гэтыя 22 чалавекі15
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары