Генеральны штаб Узброеных сіл Украіны (УСУ) прыняў рашэнне аб узмацненні групоўкі войскаў на Азоўскім кірунку. Пра гэта на сваёй старонцы ў Facebook паведаміў Камандуючы сухапутнымі войскамі УСУ Сяргей Папко.
«У адказ на агрэсіўныя дзеянні Расійскай Федэрацыі ў Азоўскім моры, паводле рашэння Генеральнага штаба Узброеных Сіл Украіны, узмоцнена групоўкі Узброеных Сіл, у тым ліку Сухапутных войскаў, на Азоўскім кірунку», — напісаў ён.
Камандуючы ўдакладніў, што гэта зроблена для «забеспячэння поўнага кантролю сітуацыі ў рэгіёне», а таксама для «падтрымкі дзеянняў карабельнай групоўкі» і «забеспячэння надзейнай абароны марскога ўзбярэжжа». «Арганізуем пастаянную прысутнасць і кантроль раёна сіламі агульнавайсковых брыгад і брыгад тэрытарыяльнай абароны, падраздзяленняў ракетных войскаў і артылерыі, падраздзяленняў армейскай авіяцыі», — удакладніў ён.
Каментары