Камандуючы Лівійскай нацыянальнай арміяй (ЛНА) фельдмаршал Халіфа Хафтар загадаў сваім войскам пачаць наступ на сталіцу краіны Трыпалі.
Як паведамляе Al Jazeera, Хафтар аддаў загад не страляць у грамадзянскіх, а таксама гарантаваў бяспеку тым, хто добраахвотна складзе зброю.
Хафтар пачаў наступ на Трыпалі перад чарговым раўндам мірных перамоваў у Лівіі пад эгідай ААН. Генеральны сакратар ААН Антоніу Гутэрыш, які цяпер знаходзіцца ў Трыпалі, заклікаў да дээскалацыі канфлікту.
Пасля звяржэння Муамара Кадафі ў 2011 годзе ў Лівіі усталявалася двоеўладдзе. Трыпалі і захад краіны знаходзяцца пад кантролем урада нацыянальнага адзінства, які падтрымлівае ААН. Усход і часткова поўдзень Лівіі кантралюе абраная ў 2014 годзе палата прадстаўнікоў (вядомая як «урад у Табруку»), якую падтрымлівае Халіфа Хафтар і яго армія.
Раней таксама паведамлялася, што Расія паслала ў Лівію кантынгент, менавіта навучаць войскі Хафтара. Масква гэтыя паведамленні адмаўляла.
Цяпер чытаюць
Хто забараняе ў Беларусі кнігі — вось гэтыя 22 чалавекі15
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары