Кур'еру Menu.by, якога затрымалі ў суботу, далі 1740 рублёў штрафу
Дастаўшчыка ежы, які быў затрыманы 27 сакавіка на шляху да кліента, прызналі вінаватым ва ўдзеле ў несанкцыянаваным масавым мерапрыемстве і пакаралі штрафам у 60 базавых велічынь (1740 рублёў).
Судзіла кур'ера Марыя Ярохіна.
Хадайніцтва вывучыць тэлефон затрыманага, які сцвярджаў, што ён быў на працы — выконваў дастаўку замовы, адхілілі — суддзя сказала, што гэта не мае дачынення да справы.
Хлопец быў затрыманы ў раёне станцыі метро «Пушкінская» ў суботу. На першым пасяджэнні ў панядзелак адвакат папрасіў адправіць запыт у Menu.by, каб там далі інфармацыю аб замовах кур'ера. Хадайніцтва задаволілі, суд працягнуўся ў аўторак.
Адвакат падаў ліст ад Menu.by, дзе пазначаны дата, час, месца і адрасы, куды Аляксандр накіроўваўся. Там сказана, што 27 сакавіка ён прыбыў у «МакДональдс» на «Пушкінскай», там атрымаў замову і пайшоў аддаваць яе — адрасат быў на Прытыцкага, 95. Пазней і быў затрыманы.
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома5
Каментары