Зірніце, якую кватэру прадае віцэ-прэзідэнтка ЗША Камала Харыс
З моманту сваёй інаўгурацыі віцэ-прэзідэнт ЗША Камала Харыс жыве насупраць Белага дома ў Блэр Хаўс, пакуль Ваенна-марская абсерваторыя ЗША, традыцыйны дом амерыканскага віцэ-прэзідэнта, знаходзіцца на рэканструкцыі.
Цяпер былы дом Харыс, кандамініум у Вашынгтоне, выстаўлены на продаж, паведамляе The Wall Street Journal.
Нерухомасць, якая выйшла на рынак за $1,995 мільёна, стане другой маёмасцю, якую Камала Харыс прадала з моманту яе інаўгурацыі.
Яе кватэра ў Сан-Францыска была прададзеная ў сакавіку за $860 тысяч, што нашмат больш, чым $489 тысяч, якія віцэ-прэзідэнт заплаціла за яе ў 2004 годзе. За кватэру ў Вашынгтоне, набытую ў 2017 годзе, Харыс заплаціла $1,775 мільёна.
У кватэры плошчай каля 158 квадратных метраў ёсць дзве спальні, дзве ванны і працоўны кабінет. Акрамя гэтага, у апартаментах драўляная падлога з натуральнага дубу, ванна ў стылі спа і кухня з італьянскай мэбляй. У будынку ёсць тэраса для грыля на даху, фітнэс-цэнтр, прыватная клубная зала і 25-метровы басейн з падагрэвам на даху. Да таго ж, у будынку ёсць сістэма фільтрацыі паветра, якая перашкаджае распаўсюджванню каранавіруса.
-
Зорная беларуская інтэлектуалка пайшла на рэаліці ад ТНТ — будзе плясці інтрыгі, каб атрымаць 100 тысяч еўра
-
Дзяніс з Нясвіжа дзесяць гадоў адпрацаваў на лікёра-гарэлачным заводзе. А знайшоў сябе і найлепш стаў зарабляць як блогер Алкабард
-
У Прыпяці павялічваецца колькасць рыбы, раней занесенай у Чырвоную кнігу
Каментары