Беларуска з міжнароднай абаронай у Польшчы згубіла дакументы на Мальце і ўжо пяць дзён не можа вярнуцца
Дзяўчына жыве ў Варшаве і мае польскі ДНЖ на падставе міжнароднай абароны.
Пакінула сумку ў таксі
Беларусы, якія жывуць у Польшчы, хутчэй за ўсё, бачылі вірусныя ролікі Кацярыны ў інстаграме або тыктоку на тэму жыцця мігрантаў у Польшчы.
Разам з сябрамі блогерка паехала адпачываць на Мальту, дзе згубіла сумачку з дакументамі і грашыма.
У відэа Кацярына распавядае, што прайшло ўжо больш за пяць дзён, як яна захрасла на Мальце.
«Ніколі не думала, што гэта са мною здарыцца», — кажа яна.
Перад адлётам назад Кацярына пакінула сумку ў таксі.
«А калі мы зразумелі, што сумкі няма — было ўжо позна. Хутчэй за ўсё, яе скралі пасажыры, якія селі (у таксі) пасля нас», — кажа блогерка і дадае, што ў сумцы быў ейны беларускі пашпарт, польскі ДНЖ на падставе міжнароднай абароны, грошы і асабістыя рэчы.
Вярнуцца складаней, чым думала
Кацярына была ўпэўнена, што ёй будзе дастаткова звярнуцца ў паліцыю, затым у консульства (польскае) і праз 1‑2 дні яна будзе дома.
«Але насамрэч усё аказалася так, што вярнуцца ў Польшчу без дакументаў нават складаней, чым я магла ўявіць. Я яшчэ на Мальце і шукаю варыянты, як вярнуцца дадому», — кажа яна ў відэа.
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам24
Каментары
сейчас рандомный кантроль на посадках везде. Что самолёты, что паромы. Мой личный опыт за последние 5 лет - проверка везде, путешествую часто.