Латвія плануе нацыяналізаваць уласнасць Расіі і Беларусі на сваёй тэрыторыі
Міністр юстыцыі Латвіі Яніс Борданс даручыў распрацаваць закон, які дазволіць ягонай краіне нацыяналізаваць нерухомасць, якая належыць расійскай і беларускай дзяржавам. Расійскія і беларускія культурныя цэнтры і санаторыі ў Латвіі могуць перайсці ва ўласнасць латвійскай дзяржавы, піша Радыё Свабода.
Мінюст Латвіі павінен падрыхтаваць закон ужо да 17 чэрвеня — гадавіны ўводу савецкіх войскаў у 1940 годзе.
Сярод аб'ектаў, якія могуць стаць латвійскімі — «Дом Масквы» ў Рызе, санаторый «Бурштынавы бераг», які належыць расійскай дзяржструктуры, і санаторый «Беларусь» у Юрмале. У гэтым сезоне з-за санкцый ўсе яны не працуюць.
Барданс адзначыў, што Латвія будзе выкарыстоўваць нацыяналізаваную маёмасць для размяшчэння ўкраінскіх уцекачоў, рэабілітацыі пацярпелых і для стварэння інфармацыйнага цэнтра.
«Абедзве краіны нясуць прамую адказнасць за здзяйсненне крымінальных злачынстваў і генацыду, пра што таксама гаворыцца ў заявах Сейма і Еўрарады, — напісаў Борданс у Твітары. — Для таго, каб заканадаўца выразна выказаў сваю волю і вырашыў юрыдычныя нюансы, неабходны асаблівы закон, які прыбірае любыя перашкоды і інтэрпрэтацыі ў дачыненні да забірання гэтых аб'ектаў, якія належаць Расіі і Беларусі, для патрэб дзяржавы і грамадства».
Цяпер чытаюць
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары