Улады Расіі пакуль адмовіліся ад узмацнення курса расійскага рубля за кошт валютных абмежаванняў
На тэрміновай нарадзе ў Пуціна вырашылі пакуль не пашыраць валютных абмежаванняў, закліканых умацаваць курс рубля, паведамляюць «Ведамасці» са спасылкай на блізкія да ўрада крыніцы. Паводле іх, адпаведнае рашэнне было прынята на сустрэчы прэзідэнта Уладзіміра Пуціна з кіраўніком ЦБ Эльвірай Набіулінай.
Раней агенцтва Bloomberg пісала пра магчымае вяртанне патрабавання аб абавязковым продажы часткі валютнай выручкі экспарцёрамі. Тым не менш, паводле крыніц газеты, удзельнікі сустрэчы вырашылі лічыць пастражэнне валютнага кантролю крайняй мерай.
Суразмоўцы газеты паведамілі, што ўрад «у нефармальным парадку» дамовіўся з экспарцёрамі наконт павелічэння продажу валютнай выручкі, таму ўсталёўваць нарматывы продажу валюты або ўводзіць абмежаванні на рух капіталу ўлады пакуль не будуць і абмяжуюцца маніторынгам дзеянняў экспарцёраў.
У той жа час адна з крыніц выдання адзначыла, што абавязковы продаж экспарцёрамі валютнай выручкі стане непазбежным, калі сітуацыя не зменіцца.
Прэзідэнт Расіі Уладзімір Пуцін склікаў 16 жніўня экстранную нараду з сябрамі ўрада РФ для абмеркавання мер пастражэння валютнага кантролю ў сувязі з тым, што павышэнне ключавой стаўкі Цэнтрабанкам да 12% не спыніла падзення курсу рубля, нагадвае «Медуза».
Чытайце таксама:
Ці будзе беларускі рубель слабець далей? Тлумачыць эканаміст
Чаму даражэе даляр і чаго чакаць у блізкай перспектыве
Стаўкі па валютных дэпазітах у беларускіх банках рэзка змяніліся проці мінулага года
Цяпер чытаюць
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі11
Каментары