У нядзелю прайшлі пяць матчаў чэмпіянату Беларусі па футболе
У нядзелю былі згуляныя пяць матчаў 17-га туру чэмпіянату Беларусі па футболе ў вышэйшай лізе. Некаторыя прынесьлі нечаканыя вынікі.
У Барысаве лідэр чэмпіянату БАТЭ прайграла менскаму МТЗ-РІПА зь лікам 1:3. У гаспадароў голам адзначыўся Аляксандар Лебедзеў. У менчукоў, якіх узначальвае былы трэнер БАТЭ і сёньняшні кіраўнік нацыянальнай дружыны Юры Пунтус, галы забілі Арцём Канцавы, Вячаслаў Глеб, Алег Страхановіч.
Асечкай барысаўцаў не змагло скарыстацца менскае «Дынама», якое на сваім стадыёне прайграла аднаму з аўтсайдэраў чэмпіянату гарадзенскаму «Нёману» – 0:2 (Ігар Крывабок, Валер Тарасенка). БАТЭ захавала за сабой пршы радок у табліцы.
Чарговую няўдачу пацярпеў экс-лідэр чэмпіянату ждановіцкая «Дарыда». У Кунцаўшчыне клюб саступіў чэмпіёну краіны салігорскаму «Шахтару» – 0:2 (Аляксандар Кліменка, Арцём Ганчарык)
«Дынама» (Берасьце) – «Тарпэда» (Жодзіна) — 2:0 (Зьміцер Мазалеўскі, Андрэй Чысты)
«Гомель» – «Белшына» – 2:1 (Валер Стрыпейкіс – 2; Руслан Данілюк).
Становішча каманд:
БАТЭ – 34, Шахтар – 32, Дынама М і Гомель – па 31, МТЗ-РІПА і Дарыда – па 29, Лякаматыў В – 25 (16 гульняў), Дынама Б – 23, Дняпро – 21 (16), Нафтан – 19 (16), Тарпэда – 18, Нёман – 16, Лякаматыў М – 10 (16), Белшына – 7.
У сьпісе бамбардзіраў першае месца трымае Аляксандар Кліменка «Шахтар» — 12 мячоў. Па восем брамак здабылі Арцём Канцавы (МТЗ-РІПА), Валер Стрыпейкіс («Нафтан») ды Раман Васілюк («Гомель»).
У панядзелак будзе праведзена дзьве гульні:
«Лякаматыў» (Віцебск) – «Дняпро» (Магілеў),
«Лякаматыў» (Менск) – «Нафтан» (Наваполацак).
Цяпер чытаюць
Хто забараняе ў Беларусі кнігі — вось гэтыя 22 чалавекі24
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары