Да амерыканскіх санкцый супраць Маскоўскай біржы далучылася Вялікабрытанія
Вялікабрытанія 13 чэрвеня пашырыла санкцыйныя абмежаванні, якія дзейнічаюць у дачыненні да Расіі, на дзясяткі новых кампаній і арганізацый, у тым ліку тых, якія працуюць у біржавым сектары краіны. Пад новыя брытанскія санкцыі трапілі ў Расіі Маскоўская біржа, СПБ-біржа, Нацыянальны разліковы дэпазітарый Нацыянальнага клірынгавага цэнтра. Пра гэта гаворыцца ў інфармацыі, апублікаванай на сайце ўрада Вялікабрытаніі.
Лондан. Фота ілюстрацыйнае
У агульным ліку абмежаванні ўведзены ў дачыненні да 35 расійскіх арганізацый.
Напярэдадні ЗША ўвялі аналагічныя эканамічныя санкцыі супраць Расіі: у спіс трапіў Нацыянальны клірынгавы цэнтр і Маскоўская біржа. Апошняя з 13 чэрвеня спыніла таргі доларам і еўра, а таксама ганконскім далярам.
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам11
Каментары