Пасольства Польшчы 26 лютага распаўсюдзіла адмысловы камунікат, дзе адзначаецца непраўдзівасць інфармацыі на беларускіх дзяржаўных тэлеканалах.
Пасольства Польшчы 26 лютага распаўсюдзіла адмысловае камюніке, дзе адзначаецца непраўдзівасць ці хлуслівасць інфармацыі на беларускіх дзяржаўных тэлеканалах.
У прыватнасці, гаворка ідзе пра выпускі навін на тэлеканале БТ. У матэрыялах пра Саюз палякаў у Беларусі з’явілася інфармацыя «аб намеры адарваць і далучыць да Польшчы «цэлыя азначаныя рэгіёны Беларусі на правах усходніх тэрыторый. Аб недахопе ў Польшчы школ для беларускай меншасці, інфармацыю пра паланізацыю і праследаванні беларускай меншасці ў Рэспубліцы Польшча. Пра «паланізацыю» і «пераслед» польскімі ўладамі беларускай нацыянальнай меншасці быў выкарыстаны тэрмін «этнацыд» — напэўна па аналогіі з генацыдам».
«Гэтая інфармацыя выразна не адпавядае рэчаіснасці, — зазначаюць у пасольстве. — У якасці каментарыя няхай паслужыць паведамленне, што ў Польшчы дзейнічаюць у сучасны момант 20 базавых школ, 14 гімназій і некалькі ліцэяў, у якіх прадметы выкладаюцца на беларускай мове».
Таксама пасольства мае прэтэнзіі і да тэлеканала АНТ.
«Публікацыя палемічных матэрыялаў дапускаецца і знаходзіцца ў межах журналісцкай этыкі,
аднак змяшчэнне несапраўднай інфармацыі альбо сумніўнай у значэнні кантэксту ёсць не толькі дрэнным звычаем, але і злачынствам у святле беларускага заканадаўства. Шэраг несапраўдных дадзеных, прадстаўленых да публічнага ведама, можна было лёгка праверыць», — адзначаецца ў камюніке.
«З вялікай занепакоенасцю і шкадаваннем мы ўспрымаем антыпольскую прапагандысцкую кампанію, прапанаваную беларускім дзяржаўным тэлебачаннем, і ацэньваем яе як дрэнны курс у дыялогу паміж нашымі дзяржавамі», — канчаецца зварот да прэсы.
-
Статкевіч: Для Беларусі можа стварыцца такая сітуацыя, што ўсе дзяржавы вакол нас будуць мець ядзерную зброю
-
Стаўка большая, чым жыццё: што азначае ліст Зяленскага Пуціну
-
Палітвязень Кім Самусенка параўнаў свет на моманты яго пасадкі і вызвалення: Усё нядрэнна для еўрапейскай цывілізацыі, а значыць, і для беларусаў
Хто забараняе ў Беларусі кнігі — вось гэтыя 22 чалавекі33
Каментары