Пасля Джорджа Буша амерыканская прэса, здаецца, знайшла чарговы аб'ект для кпінаў. Намеснік прэзідэнта ЗША, Джо Байдэн, распавядаючы пра свае адчуванні на другой паводле значнасці пасадзе ў магутнай дзяржаве, сказаў даслоўна наступнае: «Быць віцэ-прэзідэнтам — гэта проста. Нічога не робіш». Пра гэта паведамляе брытанскае «Таймс».
Словы Байдэна былі запісаныя выпадкова, калі ён вяртаўся на паседжанне па пытанняў сістэмы аховы здароўя з абедзеннага перапынку. Чалавек, які стаяў побач, удакладніў: «Гэта ўсё роўна як быць дзядулям, калі таксама ёсць бацька», а віцэ-прэзідэнт пацвердзіў: «Але».
Памочнікі віцэ-прэзідэнта паспяшылі заявіць, што Байдэн адно пажартаваў, і пералічылі карысныя ўчынкі свайго начальніка на высокай пасадзе: паездка ў Ірак, прамова супраць пашырэння ядравай зброі, а таксама выказванні па ўнутраамерыканскіх пытанняў.
Джо Байдэн ужо пусціў на волю колькі недарэчных выказваннях, а аднойчы, яшчэ будучы сенатарам, нават пераблытаў прэзідэнтаў. Тады Байдэн заявіў, што «рэспубліканцы павінны адгарнуць кнігі па гісторыі і прачытаць, як Рузвельт даў рады эканамічнаму крызісу ў 1929 годзе». Менавіта тады высветлілася, што Байдэн сам павінны адгарнуць кнігі па гісторыі, бо ў 1929 годзе краінай кіраваў не Рузвельт, а Гувер.
Цяпер чытаюць
Хто забараняе ў Беларусі кнігі — вось гэтыя 22 чалавекі16
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары