Па інфармацыі «Нашай Нівы», кіраўніцтва сэрвісу Kvitki.by было затрыманае. Працоўны інстаграм кампаніі недаступны, фэйсбук абнаўляўся апошні раз шэсць дзён таму, а сайт не адкрываецца ні ў Беларусі, ні з-за мяжы.
Таксама недаступныя рабочыя і асабістыя тэлефоны супрацоўнікаў кампаніі, па якіх мы спрабавалі дазваніцца, каб высветліць абставіны знікнення іх сайта з радараў.
Раней паведамлялася, што на kvitki.by адбыўся маштабны тэхнічны збой — квіткі на блізкія мерапрыемствы прапаноўвалі набываць у касах ці перанакіроўвалі да ticketpro.by. Але насамрэч рэч не ў тэхнічных праблемах — як «Нашай Ніве» паведамілі некалькі чалавек, «кантору заграблі».
На працягу 15 гадоў пасаду намесніцы дырэктара Kvitki.by займае Таццяна Мусінзя. Дырэктарам доўгі час быў Аляксандр Касінскі, але ў 2024 годзе на гэтую пасаду шукалі новага чалавека. Як толькі нам стане вядома, хто канкрэтна з супрацоўнікаў трапіў пад аблаву, мы напішам пра гэта дадаткова.
Kvitki.by з'явіліся ў 2009 годзе дзякуючы інвестыцыям літоўскай групы BLT group Віталюса Куодзіса. У 2015 годзе яго бізнэс у Балтыі і Беларусі быў прададзены расійскай кампаніі «Касір».
Гэта не першыя затрыманні ў канцэртнай сферы — раней «Наша Ніва» паведамляла пра дырэктара Палаца Рэспублікі Максіма Прыхадоўскага, якога арыштавалі, наколькі вядома, за карупцыю. Таксама ў СІЗА знаходзяцца кіраўнікі івэнт-кампаній — Ілля Піятроўскі з Blackout Studio і Аляксандр Манышаў — арганізатар канцэртаў, які мае дачыненне да агенцтваў «Атам Інтэртэйнмэнт» і «Анбрэйкбл» і абслугоўваў пралукашэнкаўскія мерапрыемствы.
Дапоўнена: увечары 28 жніўня сайт kvitki.by пачаў зноў адкрывацца. Але іх сацсеткі дагэтуль недаступныя — выдаленыя ці сталі прыватнымі, закрытымі.
-
Прапагандысты паказалі моцна схуднелага Васіля Верамейчыка
-
Стала вядома, хто атрымаў жыллё ў «сакрэтным» доме пад Драздамі. Сярод іх — сілавік, які «вызначыўся» ў 2020 годзе
-
Дактары з Украіны і Беларусі з цяжкасцю здаюць польскі медыцынскі экзамен. Праўда, палякі з замежным дыпломам спраўляюцца не лепш
Цяпер чытаюць
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі14
Каментары