Стала вядома, каму належыць новы «незалежны» партал, адкрыты ў Беларусі
За ім стаіць IT-кампанія, вядомая сваім відэаназіраннем і сістэмай ідэнтыфікацыі, даведаліся расследавальнікі «Бюро».
У Беларусі з’явілася новае медыя Times.by. Выданне пазіцыянуе сябе як «мультымедыйны інтэрнэт-рэсурс пра самае важнае і цікавае ў Беларусі і свеце». Выданне належыць кампаніі ЗАТ «Таймс Медыя Груп». Яна была зарэгістраваная ў ліпені 2025 года.
Паводле інфармацыі крыніцы «Бюро», летась уладальнікі групы кампаній «Сінезіс» вырашылі стварыць уласнае буйное медыя, каб скласці канкурэнцыю недзяржаўным выданням, што засталіся ў Беларусі.
Форма ЗАТ не прадугледжвае раскрыцця акцыянераў праз агульнадаступныя базы дадзеных. І хто менавіта валодае кампаніяй, дакладна невядома.
Аднак «Бюро» знайшло факт, які паказвае на тое, што выданне Times.by звязанае з групай кампаній «Сінезіс». Пры рэгістрацыі дамена times.by быў пазначаны электронны адрас [email protected]. Гэты дамен выкарыстоўваецца як карпаратыўная пошта ў структурах, звязаных з «Сінезісам».
«Сінезіс» распрацавала сістэму распазнавання твараў Kipod, на аснове якой беларускія ўлады замовілі ў кампаніі распрацоўку «Рэспубліканскай сістэмы маніторынгу грамадскай бяспекі». У 2020 годзе гэтая сістэма прымянялася для ідэнтыфікацыі пратэстоўцаў. Вядомы як мінімум адзін публічны кейс выкарыстання сістэмы ў рэпрэсіях — затрыманне анархіста Міколы Дзядка.
Пасля падзей 2020 года кампанія і яе сузаснавальнік Аляксандр Шатроў патрапілі пад міжнародныя санкцыі. У 2023 годзе яны прайгралі суды ў ЕС, дзе спрабавалі аспрэчыць рашэнні па санкцыях.
Галоўная рэдактарка Times.by — Алена Круталевіч, былая галоўная рэдактарка БелТА, якая атрымала ў 2025 годзе падзяку асабіста ад Аляксандра Лукашэнкі.
Дырэктар — Аляксандр Марцінкевіч, былы намеснік кіраўніка ПВТ.
Цяпер вядома як мінімум пра восем журналістаў, якія працуюць у гэтым выданні. Гэта былыя або цяперашнія супрацоўнікі выданняў Sputnik Беларусь, «Минск-Новости», Tochka.by, БелТА, «СБ. Беларусь Сегодня» і іншых.
Цяпер чытаюць
Хто забараняе ў Беларусі кнігі — вось гэтыя 22 чалавекі16
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
Ну на гэтым новым партале, дарэчы, гэтак жа ганарацца ўраджэнцам Мазары на пасадзе Масада, што і Наша Ніва - да чаго тады крык?
Дарэчы, ужо выкрылі адкуль у Сінэзіса тэхналогіі сачэння? Няўжо самі прыдумалі? Як і магчымасць пошуку па некалькіх вельмі вялікіх дат?