11‑гадовы школьнік вынес махлярам хатні сейф з грашыма і каштоўнасцямі
Спачатку хлопчыку патэлефанавалі ілжэсупрацоўнікі сотавай сувязі і пацікавіліся, з кім ён жыве.
Затым патэлефанавалі іншыя ашуканцы і прыстрашылі школьніка, што калі ён не будзе іх слухацца і выконваць заданні, то бацькоў арыштуюць, а яго самога адправяць у дзіцячы дом. Дзіця спалохалася і паверыла.
На працягу некалькіх тыдняў злачынцы трымалі хлопчыка на сувязі і пераконвалі, што назіраюць за ім.
У выніку па ўказанні ашуканцаў школьнік знайшоў хатні сейф, але не змог адкрыць замок. Тады дзіцяці загадалі вынесці яго на агульны балкон. У той жа дзень за сейфам прыйшоў кур'ер. Дзіця з цікаўнасці назірала за ім і добра запомніла.
Па прыкметах супрацоўнікі міліцыі знайшлі мужчыну. 32‑гадовы жыхар Гомельскай вобласці сам стаў ахвярай падману і думаў, што дапамагае міліцыі.
Па ўказанні ашуканцаў ён купіў балгарку, ускрыў сейф, пасля чаго вывез за мяжу ўсё яго змесціва — больш за $5 тыс., залатыя пярсцёнкі і жамчужныя каралі.
Цяпер чытаюць
Хто забараняе ў Беларусі кнігі — вось гэтыя 22 чалавекі16
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары