«Масква паказвае Лукашэнку, што ніякі Коля не будзе наступным прэзідэнтам Беларусі»
Масква разгортвае новую хвалю алармісцкай рыторыкі, заяўляючы пра нібыта падрыхтоўку Захадам новых спробаў адарваць Беларусь ад Расіі. Расія пагражае адстойваць сваё права на Беларусь нават пры дапамозе ядзернай зброі. Адкуль такія алармісцкія заявы і што яны значаць?
Служба замежнай разведкі (СВР), а за ёю і прадстаўніца МЗС РФ Марыя Захарава, кажуць пра чарговыя спробы Захаду адарваць Беларусь ад Расіі. Гучаць словы пра «геапалітычную гульню», «змовы» і нават пра неабходнасць гарантаваць бяспеку Беларусі ўсімі даступнымі сродкамі. У гэтым кантэксце Захарава згадала нават пра ядзерную зброю.
Расійскі журналіст з выдання The Insider Цімур Алеўскі ў інтэрв'ю «Свабодзе» звяртае ўвагу, што СВР і Марыя Захарава «гэта спецыфічныя актары, якія сістэмна займаюцца публічнымі правакацыямі».
«Калі яны нешта заяўляюць, то вельмі часта яны ствараюць дымавую завесу. І да вайны, і з самага яе пачатку, СВР і Захарава, асабліва калі яны дзейнічаюць разам, абвінавачвалі кагосьці ў тым, што збіраліся рабіць самі. А пасля самі гэта рабілі.
СВР перад атакамі на Украіну неаднаразова абяцалі правакацыі супраць Пуціна. Перад прымяненнем нейкай дзікунскай зброі яны казалі, што такую зброю збіраюцца прымяніць супраць Расіі і што Расія абавязкова дасць «годны адказ».
Алеўскі лічыць, што заявы СВР і Захаравай сведчаць аб тым, што яны збіраюцца зрабіць тое, у чым спрабуюць абвінаваціць Захад.
«Яны кажуць, што нібыта спрабуюць абараніць Беларусь ад рэвалюцыі. На самой справе гэта азначае наступнае: прыйшоў час рыхтавацца да змены ўлады ў Беларусі і ў ключавы момант трэба абавязкова быць гатовым да таго, каб гэтую ўладу перахапіць».
Паводле Алеўскага, заявы СВР і Захаравай Лукашэнка павінен успрымаць як пагрозу.
«Беларусь, з пункту гледжання Масквы, удзельнае княства. Лукашэнку яны цярпяць шмат гадоў. У 2020 Пуцін яго пачаў ламаць, а ў 2022 — даламаў.
Але Лукашэнка працягвае паказваць, што прыкметы дзяржаўнасці ў яго яшчэ ёсць. І яны яму пасылаюць прывітанне, што ніякі Коля не будзе наступным прэзідэнтам Беларусі», — мяркуе Цімур Алеўскі.
-
Статкевіч: Для Беларусі можа стварыцца такая сітуацыя, што ўсе дзяржавы вакол нас будуць мець ядзерную зброю
-
Стаўка большая, чым жыццё: што азначае ліст Зяленскага Пуціну
-
Палітвязень Кім Самусенка параўнаў свет на моманты яго пасадкі і вызвалення: Усё нядрэнна для еўрапейскай цывілізацыі, а значыць, і для беларусаў
Цяпер чытаюць
Хто забараняе ў Беларусі кнігі — вось гэтыя 22 чалавекі33
Каментары
Нешта будзе..))))