У міліцыю звярнулася мінчанка: яе 19‑гадовы сын вынес з дому сямейны ашчадак і не выходзіць на сувязь. Жанчына выказала здагадку, што ён пад уплывам ашуканцаў, паведамляе тэлеграм-канал «Міліцыя Мінска».
Сапраўды, маладзён стаў ахвярай аферыстаў, якія пад выглядам замены лічыльнікаў выпыталі код з SMS, а пасля патэлефанавалі ў месенджары і прыстрашылі крымінальнай справай.
Запалохаўшы ператрусам і канфіскацыяй грошай, яны пераканалі яго «задэклараваць» сямейны ашчадак.
Хлопец узяў з дому больш за 50 000 рублёў, склаў у заплечнік і схаваў у парку, даслаўшы каардынаты суразмоўцу.
Але аператыўнікі паспелі адшукаць маладога чалавека да таго, як пасярэднік забраў гатоўку з тайніка. Грошы будуць вернутыя бацькам.
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам11
Каментары